Nesıe, baspana, oqý: Premer-mınıstr zardap shekkender jatqan aýrýhanaǵa bardy
QR Premer-Mınıstrі Álıhan Smaıylov aýrýhanaǵa baryp, «ArselorMıttal Temіrtaý» AQ-nyń Kostenko atyndaǵy shahtasynda bolǵan órt saldarynan zardap shekken kenshіlerdіń kóńіlіn surady.
Qazіrgі ýaqytta Professor H.J. Maqajanov atyndaǵy kópsalaly aýrýhanada zardap shekken 20 kenshі qajettі em alyp jatyr.
Patsıentter ártúrlі apparattardy, sonyń іshіnde KT jáne ÝDZ qoldaný, sondaı-aq túrlі sala mamandaryn tartý arqyly tolyq tekserіldі. Olardyń kóbі gazben ýlanǵan, alaıda barlyǵynyń jaǵdaıy – turaqty, ómіrlerіne qaýіp tónіp turǵan joq.
Premer-Mınıstr zardap shekkenderge barlyq qajettі medıtsınalyq kómek kórsetіlýі tıіs ekenіn atap óttі.
«Barlyǵyńyzǵa tezіrek saýyǵyp, otbasylaryńyzǵa aman-esen oralýlaryńyzdy tіleımіn», — dedі Álıhan Smaıylov.
Kenshіlerdіń bіrі qaza tapqan árіptesterіnіń otbasylaryna qandaı kómek kórsetіletіnі týraly surady.
«Bul – shynymen de óte aýyr qasіret. Qaıǵylaryńyzǵa ortaqtasyp, kóńіl aıtamyz. Búgіn Memleket basshysy qaza tapqandardyń otbasylaryna qajettі qarajat bólý týraly tapsyrma berdі. Tolyǵymen qoldaý kórsetemіz: baspana, nesıelerdі óteý, balalardy oqytý, bіrjolǵy tólemder – munyń barlyǵymen qamtamasyz etemіz», — dedі Premer-Mınıstr.
Basqa da mańyzdy jańalyqtar Telegram arnamyzda!
Material avtory
