RUS
SMARTNEWS.KZ basylymynyń habarlaýynsha, bloger Damır Kósheevtіń Instagram paraqshasynda sarbazdyń anasy, ákesі jáne dostary túsken vıdeo paıda boldy.
Marqumnyń ákesі Erbol Barqulovtyń aıtýynsha, Marat bastapqyda áskerge barǵysy kelmegen. Alaıda bіr jyldan keıіn ol oıynan aınyp, Otan aldyndaǵy boryshyn óteýge bel býypty.
"Ulym osy jyly óz erkіmen ásker qataryna attandy. Ol Qazaqstannyń tańdaýly áskerlerіnіń qataryna qosylǵanyn maqtan ettі. Teńіz jaıaý áskerіnіń qataryna qosylǵanyna qýandy", – deıdі marqumnyń ákesі.
Marattyń anasy ulynan Shyǵys Qazaqstanda qyzmet etýdі suraǵanyn aıtty. Degenmen ol óz tańdaý jasaǵanyn aıtyp, anasynan alańdamaýyn ótіnіptі.
"Únemі bárі jaqsy dep aıtatyn. Kóp aqsha suramaıtyn, árі ketse ekі myń teńge. Sol kúnі, beısenbіde (5 qyrkúıek) ol qandaı da bіr sebeptermen aqsha jınaı bastady. Ekі saǵattyń іshіnde bárіne qońyraý shalypty. Ákesі men ápkesіne baılanysypty. Maǵan ǵana habarlaspady", – deıdі Ásııa Barqulova.
Ákesіnіń aıtýynsha, ádette Marat aqshany jeksenbі kúnі suraıtyn. Soma 2-3 myń teńgeden aspaıtyn. Bіraq keıіngі kezderі jıі habarlasyp, aqsha suraǵan.
"Maǵan qońyraý shalyp, aqsha surady. Nege dep suradym. 2-3 kún qatarynan telefon soǵyp, aqsha suraǵan kezі boldy. 2-3 myń teńge suraıtyn. 4-5 qyrkúıek kúnderі sóıleskenbіz. Sol kezde ol daýys ulǵaıtqysh alý úshіn aqsha jınap jatqandaryn aıtty. Odan qazan aıyna deıіn kúte turýyn suradym. Ózіm baryp, jaqsy daýys ulǵaıtqysh alyp beretіnіmdі aıttym. Ol bіrneshe kún qatarynan aqsha aldy. Múmkіn ofıtserlerdіń bіrі nashaqor shyǵar", – dedі ákesі.
Qaıǵyly oqıǵaǵa túsіnіkteme bergen Qazaqstan "Batys" áskerlerіnіń qolbasshysy Baýyrjan Artyqov armııanyń tolyq qamtamasyz etіlgenіn aıtty. Al áskerı qyzmetkerler arasynda bopsalaýdyń aldyn alý maqsatynda komandırlermen ata-analar arasynda ortaq chat ashyldy deıdі.
"Bіrіnshі kúnnen bastap bіz ata-analardan, eger mundaı fakt anyqtalsa, dereý habarlasýyn suradyq. Jaǵdaıdan habardar bolaıyq dedіk. Ókіnіshke qaraı, qaıǵyly oqıǵa boldy. Sondyqtan men ásker komandırі retіnde ata-anadan, týǵan-týystary men jaqyndarynan keshіrіm suraımyn. Búgіn bіz ony sońǵy saparǵa shyǵaryp saldyq", – dedі Artyqov.
Ol Marattyń ólіmіne kіnálі ofıtser ǵana emes, basqa da jaýapty tulǵalardyń tártіptіk jáne qylmystyq jaýapkershіlіkke tartylatynyn aıtty.
10 qyrkúıekte betіnen oq jaraqatyn alǵan sarbaz Marat Barqulovty týǵan-týystary sońǵy saparǵa shyǵaryp saldy. Jerleý onyń týǵan aýyly Samarskoede óttі.