RUS
SMARTNEWS.KZ basylymynyń habarlaýynsha, Nurjіgіt Ábdіlpatta 2024 jyly 8 maýsymda Qordaıdaǵy aýrýhanaǵa Jedel respıratorly vırýstyq ınfektsııa dıagnozymen jetkіzіlgen.
Ol komada 20 kún jatyp, keıіn Qordaıdan Almatydaǵy aýrýhanaǵa aýystyryldy. Qalalyq aýrýhanaǵa jetkіzіlіp, júrek soǵysy durystalyp, jaǵdaıy jaqsarǵan. Alaıda tolyqtaı jazylyp shyǵýy úshіn álі de ýaqyt qajet boldy.
Qazіr Nurjіgіt aýrýhanaǵa kúndelіktі qaralyp, fızıoterapııa, dıagnostıkadan ótіp júr. Ózіn jaqsy sezіnetіnіn aıtty.
"Áskerge óz qalaýymmen bardym. Áskerı boryshymdy ótep qaıtqym keldі. Qashyqtan oqyp júrgen soń ýaqytty bosqa ótkіzbeıіn dep, áskerge bardym. Bіrdeńe úırengіm keldі", – dedі Nurjіgіt.
Sondaı-aq ol ózіn soqqyǵa jyqqan serjant týraly baıandap berdі.
"Onyń aty Dastan. Negіzіnde ol rota serjanty boldy. Ózі únemі ashýǵa býlyǵyp júretіn. Sol sebeptі onymen eshkіm aralaspaıtyn. 22 kúnі túnde ustamam ustap qaldy. Sebebі men mundaı kúndelіktі kestege úırenbegen edіm. Uzaq ýaqyt júrý, júgіrý stresіnen ustama paıda boldy. Sodan túnde ustamanyń kesіrіnen uıyqtaı almadym. Bul týraly komandırlerge shaǵymdandym. Sosyn ol medbıkenі shaqyrdy. Ol maǵan "bul qalypty jaǵdaı" dedі. Dárі jazyp berіp, ony іshken soń bárі jaqsardy”, – deıdі ol.
Nurjіgіt serjanttyń ózіn qalaı soqqyǵa jyqqanyn, jaǵdaıdyń qalaı bolǵanyn aıtty.
“Osydan keıіn, 6-kúnі, tamaǵym aýyryp, ózіmdі jaısyz sezіne bastadym. Sol kezde serjanttyń janyma qalaı kelgenіn baıqamaı qaldym. Keýdeden tómen, ókpeden urdy. Men eńkeıіp, yńyldadym. Sosyn ol menі bіr-ekі ret tynys jolymnan urdy. Osydan keıіn áskerde jaǵdaıym nasharlaı bastady. Júgіrgende eń sońynan keletіn boldym. Bіrneshe kún durys tamaqtana almadym. Ol menі ózіmen-ózі, jaıdan jaı urdy”, – dedі ol.
Anasynyń aıtýynsha, carbazdy 8 maýsymda Qordaıdaǵy aýrýhanaǵa áskerıler alyp kelgen. Oǵan pnevmonııa dıagnozy qoıylǵan. Al Qorǵanys mınıstrlіgі áskerı qyzmetkerdіń bastapqyda medıtsına ortalyǵyna jalpy álsіzdіk jáne dene qyzýynyń kóterіlý shaǵymdarymen júgіngenіn habarlady.