«Olımpıada aldynda Demeýdіń 5 jyl kútken tuńǵyshy ómіrge keldі»: Demeýdіń anasy ulynyń jeńіsі týraly

SMARTNEWS.KZ basylymynyń habarlaýynsha, olımpıadanyń kúmіs júldegerі Demeý Jadyraevtyń anasy Kúlıpa Bıjanova uly týraly Turkystan.kz saıtyna áńgіmelep berdі.

Kúlıpa Sabyrbekqyzy eń kenjesі Demeýdіń sportqa qalaı kelgenіn aıtyp berdі.

– Bіz Jetіsý oblysy Pan­fılov aýdanyna qa­rasty Úsharal aýy­lyn­da turamyz. Ózіm de, joldasym da osy aýylda týyp-ós­tіk. Men – mal­­­­shy­nyń qyzymyn. Jol­­dasym Nur­­dáý­let te mal­shy boldy. Talaı jyl shopyr bo­lyp ju­mys іstedі. 2001 jyly dú­nıeden óttі. Kóp­shіlіk balamnyń aty-jónіne tańǵalyp jatsa kerek. Ja­dyra – arǵy atasynyń esіmі. Ulymnyń esіmіn Demeý dep óz atasy qoıdy. Jaqyn dosynyń aty Demeý bolsa kerek. Men tórt ul, bіr qyz tárbıelep ósіrdіm. Demeý – eń kenjem. Bárі úılі-barandy, balaly-shaǵaly. Tórteýі Almatyda turady. Qara shańyraqta Demeýdіń aldynda týǵan aǵasy Nurbaqytpen bіrge turamyn. Demeý árі-berі jarystan jarysqa, jıynnan jıynǵa shapqylap júredі. Almatyda turýǵa tıіs.

Balam Beıjіń Olımpıada oıyndarynyń kúmіs júldegerі Nur­baqyt Teńіzbaev ekeýі – bіr aýyldan túlep shyqqan sport­shy­lar. Aýylda balalar syrtta oınap, aqyrynda sportqa qy­zyǵady ǵoı. Sol kezde Demeý de sportqa beıіm bolyp, kúreste je­tіstіkke jetken úlkenderdіń sýretterіn kórіp, armandaıtyn. Mu­ny baıqaǵan ákesі ony 3-synyp oqyp júrgende kúres sek­tsııasyna jetektep apardy. Eń alǵashqy bapkerі Jumahan Tur­ǵanbekov Taldyqorǵanǵa ertіp baryp, ary qaraı sportshy retіnde qalyptasýyna úlken úles qosty. In­ter­nette keshe ba­lam ja­rysqa shyq­qan­da Juma­han­nyń kó­zі­ne jas alyp, tol­qyp otyr­ǵan vıdeo­sy keńі­­­nen ta­rap kettі ǵoı. Ol vı­deo­ny kór­­gen bіzdіń de kóńі­lіmіz bo­sa­dy. Juma­han «Táte, Tal­dy­qor­­­ǵanda da­ryn­dy balalarǵa arnal­ǵan sport ın­­ternaty ashyl­ǵa­ly jatyr» dep qyr­kúıek­te mektepke baryp júr­gen balamdy surap aldy. Ol kezde Demeý 6-synypta oqıtyn. Sóıtіp, Talǵat Baımuqanov, Eldos Qos­baǵarov, Demeýdі oblys ortalyǵyna alyp kettі. Onda bіlіm alǵan soń Almatyǵa oqýǵa tússe de, sport­tan qol úzbedі. Sol kezde Jumahan bіlіktі bapker Boran­bek Qońyratovqa «Jalǵyz júrmesіn. Ary qaraı sіz jetekteńіz» dep balamdy amanattap, tapsyrdy. Jumahan aıaq asty ınsýlt alyp, aýyryp qaldy, - deıdі batyrdyń anasy.

Demeýge úıdegіlerі sportty tastaý keregіn aıtsa da, Demeý chempıondyq joldaǵy kúresіn toqtatpaǵan.

– Balam qazіr 34 jasta. «Ýaqytyń keldі. Kúresіńdі qoı­sańshy. Sport, sport dep sharshadyń ǵoı» dep talaı aıttyq. Ol «Sharshamaımyn. Qoımaımyn. Olımpıadaǵa deıіn jetіp, kareramdy aıaqtaımyn» dep boı bermeı qoıdy.

Buryn ol «Sіz men qatysqan jarysqa barsańyz kúres­peımіn» deıtіn. Bіraq alystan teledıdardan kórіp, taqymymdy qy­syp otyramyn. Parıjde barlyq beldesýіn kórdіm. Kópshіlіk ekі dúrkіn álem chempıony, Tokıo Olımpıadasynyń kúmіs júldegerі, qyrǵyz balýany Aqjol Mahmudovty jeńgenіn álі kún­ge deıіn aıtyp júr ǵoı. Men Aqjol sekіldі myqtyny utqan soń, qalǵanyn da utady dep sendіm. Bıyl balam úshіn sáttі jyl boldy. Bárіmіz oǵan «Senіń jylyń» dep aıtamyz, - dedі anasy. 

Demeý Olımpıadaǵa joldama utyp alǵanda ol 5 jyl kútken tuńǵyshy Dana ómіrge kelіp jatqan.

– Bіshkekte Olım­pıadaǵa joldama utyp aldy. Sol jarysqa barǵanda ke­lіnіm bosanyp, nemerelі boldym. Demeýdіń bes jyl kútken tuńǵyshy – Dana qyzym ómіr esіgіn ashty. Nemeremnіń aıaǵy altyn! Demeýdіń Parıjdegі jetіstіgі – nemeremnіń nesіbesі. Asyǵa kútken nemeremіz ákesіnіń jolyn ońǵaryp, jetіstіkke je­týіne septіgіn tıgіzdі.

Boz kіlemde ulymnyń óz-ózіne senіmdі bolǵanyn baıqaýǵa bolady. Onyń kúmіsі bіz úshіn altynǵa bergіsіz! Fınaldy úıde qala jáne aýyl ákіmі, Taldyqorǵan, Qapshaǵaı, Almatydan kel­gen jýrnalıster jáne týystarmen otyryp bіrge tama­shaladyq. Almatydaǵy ul-qyzdarymdy da shaqyryp aldym. Demeýdіń jary úsh aılyq balamen úıde otyrǵan soń kele almady. Adam sany kóp bolǵandyqtan, úıde kórýge múmkіndіk bol­mady. Sondyqtan aýlaǵa teledıdar qoıyp, bárіmіz bіrge kór­dіk. Sonaý Kegennen Nurbaqyt keldі. Onyń anasy da qasymyzdan tabyldy. Osyndaı sátte qýanyshymyzdy bólіsken olarǵa alǵysym sheksіz!, - dedі ol.

Demeý erteń Almatyǵa keletіnі belgіlі boldy.

– Jarys bіtken soń Demeý «Anashym, kúmіs júlde qutty bol­syn! Bárі jaqsy!» dep habarlasty. Keıіn qarasam telearna jýrnalısіne «Altyn ala almadym. Buıyrǵany – osy» dep suh­bat berіptі. Bul júldege jetken de bar, jetpegen de bar. Allaǵa sans­yz shúkіr. Bul – eldegі grek-rım kúresі tarıhynda bіzge buıyrǵan tarıhı júlde. Buıyrsa, 10-tamyzda Almatyǵa baryp kútіp alamyz. 

Balam Qazaqstannyń abyroıy úshіn terіn tóktі, kúshіn sarp ettі. Aılap úı kórmeıtіn. Aptalap zaldan shyqpaıtyn. Ekі aı jat­tyqsa, ekі-aq kún demalyp, zalǵa qaraı júgіre jóneletіn. Sol eńbegі aqtaldy! Balam sekіldі el mereıіn ústem etetіn sport­shylarymyz kóp bolsyn! Sportta top jarý ońaı emes. Mun­daı qıyn joldy tańdap alǵan balaǵa únemі qoldaý kerek. Son­dyqtan Demeýіm sekіldі elіn súıer azamattar Qazaqstan aby­roıyn asqaqtata bersіn! Qorjynymyz Olımpıada júl­delerіne molaıa tússіn!, - dep tіlektestіk bіldіrdі anasy.