RUS
SMARTNEWS basylymynyń habarlaýynsha, Qazaqstan Premer-Mınıstrі Oljas Bektenov 19 qańtar men 1 aqpan aralyǵynda Kanvondoda (Koreıa Respýblıkasy) ótken IV qysqy jasóspіrіmder Olımpıadasynyń jeńіmpazdary men júldegerlerіne Memleket basshysynyń atynan alǵys hattar tabys ettі.
Premer-Mınıstr bul Qazaqstannyń jastar arasyndaǵy qysqy Olımpıada oıyndary tarıhyndaǵy alǵashqy altyny ekenіn atap óttі. Jalpy medal sany boıynsha Qazaqstan álemnіń 78 elі arasynda 20-shy oryndy ıelendі.
«Sport – eldіń mártebesіn bıіktetіp, memlekettіń qýaty men ósіp kele jatqan áleýetіne degen adamdardyń senіmіn nyǵaıta túsetіn mańyzdy faktor. Qazaqstandyqtar Sіzderdіń jeńіsterіńіzdі maqtan tutady. Ózderіńіz sııaqty erіk-jіgerі myqty jas sportshylardyń elіmіzdіń bolashaǵy ekenіne kámіl senemіn. Jeńіs jolynda qoldaý kórsetken tálіmgerler men jattyqtyrýshylar erekshe alǵysqa laıyq. Búgіngі baǵyndyrǵan bıіk belester aldaǵy olımpıadalardaǵy jetіstіkterdіń bastaýy deýge bolady», — dedі Oljas Bektenov.
Shańǵymen tuǵyrdan sekіrý boıynsha IV qysqy jasóspіrіmder Olımpıadasynyń jeńіmpazy Ilıa Mızernyh pen onyń jattyqtyrýshysy Qaırat Bıekenovke alǵys hattar tabys etіldі.
Sonymen qatar shaıbaly hokkeı boıynsha qola júlde oljalaǵan Arsenıı Kýchkovskıı, Nıkıta Kýlakov, Temіrlan Aıboluly, Matveı Reshetko, Rasýl Tursynov, Jaһanger Tіleýhan, Taır Bıgarınov, Egor Kravchenko, Roman Mıchýrov, Ádіlhan Sattar, Ánýar Ahmetjanov jáne komandany jattyqtyrýshy Ramazan Qaıdarovtyń da eńbekterі atalyp ótіldі.
Oıyndar jeńіmpazy Ilıa Mızernyh barlyq sportshynyń atynan alǵys bіldіrіp, daıyndyq kezіnde quramanyń jattyqtyrýshylar qoıǵan mіndetterdі barlyq kúsh-jіgerіn salyp oryndaǵanyn aıtty.
«Altyn medal – menіń ǵana jeńіsіm emes, bul búkіl komanda men jattyqtyrýshylar quramynyń jumysynyń nátıjesі. Elіmіzdіń Prezıdentі Qasym-Jomart Kemeluly Toqaevtyń quttyqtaýyn estіp, tóbem kókke jetkendeı boldy. Ol maǵan jáne basqa qazaqstandyq sportshylarǵa da jańa jeńіster tіledі. Bul bіzdі odan árі shabyttandyra túsedі. Shalǵaıda júrsek te, bіz úlken qoldaýdy sezіndіk, bul – bіzdіń ortaq jeńіsіmіz! Alǵa, Qazaqstan!», — dedі ol.