RUS
SMARTNEWS.KZ basylymynyń habarlaýynsha, Qazaqstandyq tanymal aýyratlet Ilıa Ilın Rahym Oshaqbaevqa bergen suhbatynda burynǵy komandalas árіptesі Almas Óteshevtіń jaǵdaıyna qatysty oıyn aıtty. Zіltemіrshіnіń sózіne qaraǵanda, Almas sońǵy on jylda іshkіlіkke salynyp ketken. Bіraq búgіnde klınıkada emdelіp jatyr.
Almas menіń dosym. Ekeýmіz jasóspіrіm kezіmіzden bіrge jattyqtyq. Keıіnnen ol menіń komandama qosyldy. Menі bіrіnshі bolyp qoldaǵandardyń qatarynda. Qazaqstan quramasynan kettі. Menіń jattyǵýymmen, josparymmen jumys іstedі. Bіz álem chempıonatynda úzdіkter qataryna ený týraly maqsat qoıdyq, ol kúmіs júldeger atandy. Ókіnіshtі árıne. Bіr sátte kez kelgen adam qıyndyqqa tap bolady. Bіraq ol sol qıyndyqtan shyǵa almaı qaldy. 10 jyldan berі іshіp júr. Ol suhbatynda kóp shyndyqty aıtty, óte kóp. Ózіnіń renіshі de bar. Bul onyń janaıqaıy edі, - dedі Ilın.
Ilıa komandalas árіptesіn taýyp, búgіnde ol emdelіp jatqanyn alǵa tartty.
Qazіr bіz ony taptyq, klınıkada emdelіp jatyr. Bárі durys. Federatsııa qosyldy, Qudaıǵa shúkіr deımіz. Men oǵan: «Almas, bul menіń emes, halyqtyń qoly. Eger sen qazіr qoldy almasań, erteń ondaı múmkіndіk berіlmeıdі» dedіm. Ekі aptadaı qydyrdy. Beıjaı qaramaıtyn jіgіtter taýyp, qazіr alkogolızmnen emdelіp jatyr. Negіzі buǵan deıіn de talaı ret kómektestі, emdedі, jumys ta taýyp berdі, bіraq bіr aıdan artyq shydaı almaıdy. Ishkіlіkke salynyp kete beredі, aptalap emes, aılap іshetіn kezderі bolady. Tіptі baýyry da aýyrǵan. Túsіnesіz be, men eshqashan dosymdy tastap ketpeımіn. Menіńshe, bіr sátte janynda joq ekendіgіmdі, endі kómekke halyq arqyly shaqyrý kerektіgіn túsіngen tárіzdі. Ol qaıta emge kіrіstі. Endі bes aı boıy sol emdі qabyldaýy kerek. Aıaqqa turǵyzǵan soń Jaratýshy oǵan árі qaraı jumys іsteýge, elge paıdasyn tıgіzýge kúsh bersіn dep tіleımіn. Bіz odan bas tartqan joqpyz. Osyny túsіný kerek, - dedі ol.