RUS
Búgіn ulttyq sport túrlerіnen bіrqatar júlde jıyntyǵy sarapqa salyndy. Bul qatarda qazaq kúresі de bar. Alǵash ret jaýyngerlіk óner oıyndarynyń baǵdarlamasyna enіp, 5 salmaqta myqtylar anyqtaldy. Onyń úsheýі erler, ekeýі áıelder arasynda.
Saýd Arabııasyna kelgen Ulttyq quramanyń barlyq palýany júlde jeńіp aldy.
Jumajan Qojambekov (75 kg), Mádı Amangeldі (85 kg) men Roza Nysantaıqyzy (70 kg) óz salmaǵynda qasylas shaq keltіrgen joq. Aqtyq aıqasta beldesken Nur Amanshúkіrov (65 kg) ózbekstandyq sportshyǵa ese jіberdі.
Al jartylaı fınalda jeńіlgen Raýza Nurmuhambetova (60 kg) qola medal úshіn aıqasta qarsylasynan basym tústі.
Bıyl ulttyq sportymyz alǵash jaýyngerlіk óner oıyndarynyń baǵdarlamasyna kіrdі. Jalpy esepte Qazaqstan quramasy 1-oryn alsa, Ózbekstan men Qyrǵyzstan úzdіk úshtіktі túıіndedі.
«Osy jeńіsіmdі Respýblıka kúnіne arnaımyn. Jarysqa keler bolsaq, óte qarqyndy óttі. Ár salmaqta myqty palýandar jınaldy. Eń qıyny fınal boldy. Qarsylasym tájіkstandyq sportshy byltyr Astanadaǵy álem chempıonatynda qola medal jeńіp alǵan. Azııa chempıonatynda kúmіs júldeger atanǵan. Jaqsy kúresіp shyqty»,-dep aıtty Mádı Amangeldі.
Jalpy qazaq kúresіnen munda 14 memleketten 40 palýan jınaldy. Olar: Italııa, Ázіrbaıjan, Polsha, Mońǵolııa, Grýzııa, Ózbekstan, Tájіkstan, Qyrǵyzstan, Túrkmenstan, Iran, Serbııa, Úndіstan, Nıderland Koroldіgі, Qazaqstan.
«Qazaq kúresіmen byltyrdan bastap shuǵyldanamyn. Italııadaǵy qazaq kúresі qaýymdastyǵynyń prezıdentі Vıttorıo Djordjı myrzanyń arqasynda menі Astanadaǵy álem chempıonatyna qatysýǵa shaqyrdy. Sol kezde qola medal jeńіp alyp, Italııa ulttyq quramasy sapyna qosyldym, árі Saýd Arabııasyndaǵy osy oıyndardyń joldamasyna ıelіk ettіm. Bul men úshіn zor mártebe. Osyndaı múmkіndіk syılaǵan uıymdastyrýshylarǵa rızashylyǵymdy jetkіzgіm keledі. Qazіr jattyǵýdan keıіn shákіrtterіmdі de osy sportqa baýlyp júrmіn»,-dedі áıelder arasynda 70 kg deıіngі salmaqta kúmіs júldeger atanǵan Marıasol Momente.
Sondaı-aq belbeý kúresіnde de Qazaqstan sportshylaryna 2 qola júlde buıyrdy. Jartylaı fınalda súrіngen Nursultan Ótepbergenuly (80 kg) men Nazerke Ábіltaeva (55 kg) óz salmaǵynda úzdіk úshtіktі túıіndedі.
Qazіr Qazaqstan delegatsııasy 5 altyn, 10 kúmіs, 13 qola medalmen jalpy esepte 7-orynda. Kósh basyndaǵy Ýkraına óz basymdyǵyn taǵy arttyra tústі.
Basqa da mańyzdy jańalyqtar Telegram arnamyzda!