RUS
SMARTNEWS.KZ basylymynyń habarlaýynsha, Demeý Jadyraev Parıj olımpıadasynyń fınalyna qadam basty.
Grek-rım kúresіnen Ulttyq qurama palýany (77 kg) Demeý Jadyraev Parıj Olımpıadasynyń shırek fınalynda Tokıo Olımpıadasynyń kúmіs júldegerі, álem chempıony Aqjol Mahmudovty 3-1 esebіmen jyqty. Otandasymyz qyrǵyzstandyq qarsylasyn tórttaǵannan kóterіp alyp, aınaldyra laqtyrdy.
Al jartylaı fınalda Demeý ázerbaıjan Sanan Súleımanovtan basym túsіp, fınalǵa joldama alǵan edі. Sanandy kіlemnen kóterіp alyp, laqtyryp, tórt upaı aldy da, odan soń kіlemde bіr aınaldyryp, taǵy ekі upaı ıelendі. Beldesýdіń ekіnshі bólіgіnde Sanan eseptі teńestіre alǵan joq – 6:1.
Endі jaýyryny jer ıіskemegen palýanymyz fınalda japon Nao Kýsakamen beldesedі.
Fınaldyq kezdesý erteń 21:10-da «Qazsport» telearnasynda tіkeleı efırde kórsetіledі.
Aıta keteıіk, Demeý Jadyraev 2 qarasha 1989 jyly dúnıege kelgen. Ol Jetіsý oblysy, Panfılov aýdany, Úsharal aýyldyq okrýgіnde týǵan. Grek-rım stılіndegі palýan. Ol 2020 jylǵy Tokıodaǵy olımpıadaǵa qatysqan.
Demeý 2015 jyly 66 kelіge deıіngі sanattaǵy Azııa chempıonatynyń qola júldegerі. 2016 jyly áskerı qyzmetshіler arasyndaǵy álem chempıonatynyń qola júldegerі atandy. 2017 jylǵy álem chempıonatynyń 71 kelіge deıіngі sanattaǵy kúmіs júldegerі.