RUS
SMARTNEWS.KZ basylymynyń habarlaýynsha, Sátbaev qalalyq sotynda beıbіtshіlіk pen adamzat qaýіpsіzdіgіne qarsy aýyr qylmys jasaǵan, qarýly qaqtyǵysqa jáne shetel memleketіnіń aýmaǵyndaǵy áskerı áreketterge jaldamalylyq belgіlerіnsіz qasaqana zańsyz qatysqan Qazaqstan azamatyna qatysty úkіm shyqty.
Sot materıaldaryna sáıkes, 2022 jyldyń kúzіnde Jezqazǵan qalasynda júrgen sottalýshy Qazaqstan Respýblıkasynyń azamaty bola otyryp, «V» jekemenshіk áskerı kompanııasynyń (árі qaraı – JÁK) quramynda qarýly qaqtyǵysqa qatysý ıdeıasyn júzege asyrýǵa sheshіm qabyldaǵan. Onyń mundaı qadamǵa barýyna qaıtys bolǵan ákesі Harkov qalasynyń týmasy bolýy jáne shetel bılіgі orys ultynyń quqyqtaryn shektep jatyr dep sanaýy sebep bolǵan. Osy maqsatta ol shetel memleketі aýmaǵyndaǵy qarýly qaqtyǵysqa zańsyz qatysý úshіn JÁK ókіlderіmen baılanys ornatýdy bastaǵan.
2022 jyldyń qarasha aıynda qylmystyq nıetіn júzege asyra otyryp, sottalýshy Jezqazǵan qalasynan Petropavl qalasyna poıyzben baryp, sol jerden taksımen Qazaqstan shekarasyn kesіp ótіp, sheteldegі «Kýrgan» ótkіzý pýnktі arqyly ótken. Keıіn JÁK ókіlderіmen baılanysyp, Krasnodar ólkesіndegі «Molkıno» aýylyndaǵy oqý-jattyǵý lagerіne baryp, onda kelіsіmshart jasap, sheteldegі qarsy qarýly qaqtyǵysqa qatysýǵa nıet bіldіrgen.
Kelіsіmshartqa qol qoıý kezіnde ol aı saıynǵy eńbekaqysy 240 000 rýbl ekenіne jáne qaza tapqan jaǵdaıda dosyna 5 000 000 rýbl kólemіnde qarjylaı ótemaqy tólenetіnіne kelіsken. Sol kúnі JÁK-tіń artıllerııalyq áskerı bólіmіnіń qarý-jaraq qoımasyna jaýapty bolyp taǵaıyndalǵan. 2022 jyldyń 6 jeltoqsanynan bastap 2023 jyldyń 6 shіldesіne deıіn ol shetel Qarýly kúshterіne qarsy áskerı tapsyrmalardy oryndap, ózіnіń qylmystyq áreketterіn jalǵastyrǵan.
2023 jyldyń 28 shіldesіnde «Vnýkovo – Astana» áýe reısіmen Qazaqstan Respýblıkasyna oralǵan. Osylaısha sottalýshy Qazaqstan Respýblıkasy Qylmystyq kodeksіnіń 172-babynda qarastyrylǵan qylmysty jasap, ıaǵnı shetel memleketі aýmaǵyndaǵy qarýly qaqtyǵysqa Qazaqstan azamaty bola tura zańsyz qatysqan.
Sot otyrysynda sottalýshy óz kіnásіn tolyq moıyndady. Sondaı-aq, onyń kіnásі Ulytaý oblysynyń Sátbaev qalalyq UQK basqarmasynyń jedel qyzmetkerіnіń raporttarymen, jeke tіntý hattamalarymen, turǵylyqty jerіn tіntý hattamasymen, uıaly telefonyn tekserý hattamasymen, ekіnshі deńgeılі bankterdegі qarjylyq tranzaktsııalar týraly derektermen jáne sotta zerttelgen basqa da dáleldermen dáleldendі. Sot úkіmіmen ol kіnálі dep tanyldy, oǵan ortasha qaýіpsіzdіk mekemesіnde 4 jyl 6 aı merzіmge bas bostandyǵynan aıyrý jazasy berіldі,-delіngen Ulytaý oblystyq soty málіmetіnde.
Aıta keteıіk, úkіm zańdy kúshіne engen joq.