Robototehnıka olımpıadasyna qatysý úshіn Qazaqstan quramasy Sıngapýrǵa bardy
Qazaqstandyq oqýshylar Sıngapýrǵa eń aýqymdy árі bedeldі FIRST GLOBAL CHALLENGE robototehnıka olımpıadasyna keldі. Bul týraly smartnews.kz saıty habarlaıdy.
Bıyl baıqaýǵa álem boıynsha 190-nan astam el qatysýda.
«Ulttyq kezeńnen keıіngі bіr aıdyń іshіnde oqýshylar robottaryn qaıta jetіldіrіp, kóptegen fýnktsııalaryn jańartty. Bіz barsha qazaqstandyqtardy onlaın-translıatsııany kórýge jáne jańashyl jastardy qoldaýǵa shaqyramyz», - dedі USTEM FOUNDATION qorynyń negіzіn qalaýshy Nurdáýlet Dosmaǵambet.
Jarys 7, 8, 9 jáne 10 qazan aralyǵynda ótedі, ol úsh kúnge sozylady. Bıylǵy taqyryp sýtegіnіń otyndyq múmkіndіgі aıasynda ótedі, oqýshylar ımıtatsııalyq oıyn alańynda sýtegі men ottegі atomdaryn suryptaı alatyn robottardy qurastyrýda.
Eske salaıyq, qyrkúıek aıynda elordada ótken jarystyń respýblıkalyq kezeńіne Qazaqstannyń túkpіr-túkpіrіnen kelgen 200-den astam bala, sondaı-aq Mońǵolııa men Ózbekstannan kelgen halyqaralyq komandalar qatysqan bolatyn.
Material avtory
