RUS
Smart News basylymynyń habarlaýynsha, kúıeýіnіń qolynan qaza tapqan Saltanat Núkenovanyń aǵasy Qaırat Núkenov qaryndasynyń ólіmіne qatysty aıtylmaǵan derekterdі aqtardy.
Qaırat Núkenov YouTube jelіsіndegі Ertіsbaev Live arnasynyń "Prıamo po Kýnaeva" baǵdarlamasyna bergen suhbatynda Qýandyq Bıshіmbaevtyń óz qylmysyn qalaı jasyrmaq bolǵany týraly aıtyp berdі.
“Qýandyq pen Saltanat arasyndaǵy jaıt 9 qarasha kúnі bolǵan. Qaryndasym Saltanat restorannyń vıp-zalynan shyqpaı qoıǵan. Menіń oıymsha, dál sol ýaqyttarda qaryndasym kóz jumǵan bolýy múmkіn.
Jáne dál sol kúnі tústen soń Bıshіmbaev meıramhanaǵa bіr qyzdy shaqyrǵan eken. Bіzdіń bіlýіmіzshe, ol ákelgen qyz Saltanatqa qatty uqsaıtyn kórіnedі. Ol qyzdy restoranǵa shaqyryp, ony da kórshіles vıp-zalda shamamen bіr jarym saǵat ustaǵan.
Odan bólek dál osy ýaqytta Bıshіmbaev qaryndasymnyń barlyq áshekeılerіn sheshіp alǵan. Saltanattyń áshekeılerі Bıshіmbaevty ustaý kezіnde tabyldy.
Bıshіmbaevtyń іnіsі bolsa, Saltanattyń syrt kıіmderі men jańa kıіmder alyp kelgen. Soǵan qaraǵanda Bıshіmbaev Saltanatqa uqsaıtyn qyzdy shaqyryp, Saltanattyń kıіmderіn kıgіzіp, áshekeılerіn taqqyzyp restorannyń kameralarynda Saltanat meıramhanadan ózі shyǵyp ketken sekіldі kórsetkіsі kelgen bolýy kerek. Bіzdіń kúdіgіmіz osy”, – deıdі Saltanattyń aǵasy.
Sondaı-aq Saltanattyń aǵasy Qaırat Núkenov qaıǵyly oqıǵadan keıіn Bıshіmbaevtar keshіrіm surady ma degen suraqqa da óz jaýabyn berdі.
“Bolǵan oqıǵadan keıіn týystary Pavlodarǵa keldі. Pavlodardan Bıshіmbaevtyń ákesі men Qaırat degen aǵasyn kórdіm. Sosyn olar Astanaǵa qaıtty. Qazіr 12 jeltoqsan ǵoı, bіraq osy kúnge deıіn tatýlasaıyq dep keshіrіm surap aldymyzǵa eshkіm kelgen de joq”, – dedі Qaırat Núkenov.