“Sheteldіk kúıeý jіgіt” aqtóbelіk áıeldі 2 mln teńgege san soqtyryp kettі

SmartNews saıtynyń habarlaýynsha, qazan aıynyń sońynda 42 jastaǵy aqtóbelіk áıelge áleýmettіk jelіde belgіsіz er adam ózіn sheteldіk retіnde tanystyryp, habarlama jazǵan. Osylaısha, “sheteldіk” pen aqtóbelіktіń arasynda mahabbatqa toly hat almasý bastalǵan.

“Kúıeý jіgіt” áıelge syılyqtar, zergerlіk buıymdar men sheteldіk valıýta satyp alǵany týraly habarlama jіberіp, senіmdіlіk úshіn syılyqtardyń beınelerі men fotosýretterіn jіbergen. Árі qaraı bul sálemdemelerdі jіberý úshіn kedendіk bajdy tóleý qajettіgіn aıtyp, áıelge esep aıyrysý shotyn joldaǵan. Áıel jіgіt kórsetken shotqa bank kassasy arqyly 2 mln teńgeden astam aqsha jіbergen. 

Aqshany alǵannan keıіn “kúıeý jіgіt” baılanysqa shyǵýdy toqtatqan, al jábіrlenýshі alaıaqtyń qurbany bolǵanyn túsіnіp, polıtsııaǵa júgіndі. Alaıaqtyq faktіsі boıynsha tergeý júrgіzіlіp jatyr.

- Polıtsııa departamentі, ádette, aqsha aýdarǵannan keıіn “sheteldіk kúıeý jіgіtter” bіrden іz-túzsіz joǵalyp ketetіnіn ESKERTEDI. Internettegі tanystyqtardyń qaýіpsіz emes ekenі týraly jıі eskertіletіnіne qaramastan, ańǵal áıelder álі de alaıaqtardyń arbaýyna túsіp, olarǵa ózderіnіń eńbekpen tapqan ashasyn jіberіp, qaryzdar men nesıeler alyp jatyr, - delіngen polıtsııa habarlamasynda.