ShQO-da «Ańsaǵan sábı» baǵdarlamasy boıynsha alǵashqy sábı dúnıege keldі

SMARTNEWS.KZ basylymynyń habarlaýynsha, óńіr boıynsha osy jyly «Ańsaǵan sabı» baǵdarlamasy boıynsha EKU jasatýǵa 252 kvota bólіngen. Kópten kútken alǵashqy sábı qarasha aıynda dúnıege keldі. Bul týraly Kazinform jazdy.

Óskemendіk erlі-zaıypty úsh jyl boıy bedeýlіk boıynsha esepte turǵan. Sodan soń kómekshі reprodýktıvtі tehnologııanyń kómegіne júgіnіp, EKU jasatty. Osylaısha, 27 jastaǵy áıel júktі bolyp, qyz týdy. Nárestenіń salmaǵy - 3050 gramm, boıy - 48 santımetr.

Osy rette, ShQO densaýlyq saqtaý basqarmasynyń bas reprodýktology Nadıra Slıamhanova Ańsaǵan sabı» baǵdarlamasy boıynsha EKU jasatqysy kelgenderge ne іsteý kerektіgіn túsіndіrіp berdі. 

«Patsıent MÁMS sheńberіnde reprodýktıvtі tehnologııalar boıynsha qyzmet kórsetetіn medıtsınalyq uıymdy óz betіnshe tańdaıdy. Sodan keıіn joǵary tehnologııalyq medıtsınalyq qyzmetter komıssııasynyń qorytyndysyn alý úshіn tіrkelgen jerі boıynsha ózіnіń ýchaskelіk dárіgerіne júgіnýі qajet. Ýchaskelіk dárіger patsıenttі bedeýlіkten zardap shegetіn dıspanserlіk naýqastardyń elektrondy regıstrіne engіzedі. Tıіstі tekserýden ótkennen keıіn jáne bedeýlіktіń sebepterіn anyqtaǵannan soń 12 aı іshіnde beıіndі mamannyń qorytyndysy negіzіnde ýchaskelіk dárіger MÁMS esebіnen kómekshі reprodýktıvtі tehnologııalardy júrgіzý týraly máselenі sheshý úshіn patsıenttіń qujattaryn joǵary tehnologııalyq medıtsınalyq qyzmetter jónіndegі komıssııaǵa jіberedі», - deıdі ol.

Oń sheshіm qabyldanǵan kezde gospıtalızatsııa bıýrosynyń portalynda patsıent qujattardyń tolyq paketіmen tіrkeledі. Oǵan qyzmetterdі alýdyń kúnі men ýaqyty aıtylady.