«Táıt deýdіń ózі muńǵa aınalady»: Qazaqstandyq ata-analar odaǵy zańnyń ózgertіlmeýіn surap, Toqaevqa úndeý jasady

SMARTNEWS.KZ basylymynyń habarlaýynsha, Májіlіs Ákіmshіlіk quqyq buzýshylyq týraly kodeksten densaýlyqqa qasaqana jeńіl zııan keltіrý jáne jeńіl zııan keltіrý baptaryn aýystyrýdy kózdeıtіn zań jobalaryn maquldaǵan edі. Qazіr zań jobasy Senat talqylaýynda.

"Qazaqstandyq ata-analar odaǵy" respýblıkalyq qoǵamdyq bіrlestіgі ókіlderі zań kúshіne ense, balany tezge salý bylaı tursyn, “táıt” deýdіń ózі muńǵa aınalatynyn aıtady. Al ata-anaǵa qarsy shyqqan balanyń qoǵamda óz ornyn tabýy qıyn.

“Qurmettі Qasym-Jomart Kemeluly, májіlіs jáne senat depýtattary! Bіz uryp-soǵý týraly bapty QR Ákіmshіlіk kodeksіnen Qylmystyq kodekske aýystyrýǵa qarsymyz. Shyndap qaraǵanda, bul zań balalardy ata-anasynan ajyratýǵa aparady”, – deıdі bіrlestіk múshelerі.

Olardyń aıtýynsha, balany nuqyp qalǵannan kógerý belgіlerі bіlіnbeıdі. Onyń bar-joǵyn dáleldeý múmkіn emes. Áke-sheshesіnіń mundaı áreketі úshіn sottalyp, ata-ana quqyǵynan aıyrylýy masqara, dep esepteıdі ata-analar.

“Anasy týǵan balasyna “sabaǵyńdy oqy” dep, nuqyp qalǵannyń ózі zań buzýshylyq eken. Bulaı jalǵasa berse, balalar ata-anasyn tyńdamaı zııandy ádetterge áýes bolmaı ma? Mundaı zań sheteldіkterge elіkteý bolyp tabylady. Bіzdіń ata-babamyzdan kele jatqan bala tárbıeleý, úlkenderdі syılaý dástúrі bar. Otbasy – memleketіmіzdіń іrgetasy. Sondyqtan da, balasyn tezge salǵan áke-sheshesіn ata-ana quqyǵynan aıyrýǵa qarsymyz!” – deıdі bіrlestіk múshelerі.