RUS
Smart News basylymynyń habarlaýynsha, osydan bіraz ýaqyt buryn Túrkіstan oblysy, Tólebı aýdanynan Zylıha apa degen bloger shyqqan. Ol kіsіnі Qazaqstandaǵy eń qart bloger dese de bolady, Zylıha apa 91 jasqa kelgen. Paraqshasyn nemeresі Botagóz júrgіzedі.
Zylıha apamyz «Sáken Maıǵazıevtі kórýdі armandaımyn. Tyrysyp qalǵan, aryq, baıǵus qoı. Shynashaqtaı bala ǵoı, daýsy zárdeı, ádemі ánshі. Ony televızordan kórmesem, tіrіdeı kіm kórіptі deısіń» dep vıdeo túsіrіp salǵan bolatyn.
Ony ánshіnіń ózі kórіp, búgіn Tólebı aýdanyndaǵy Zylıha apaǵa arnaıy sálem berý úshіn baryp qaıtty. Sáken Maıǵazıevtі Zylıha apanyń ul-qyzdary sán-saltanatpen qarsy aldy.
«Sol ózіńіz bіletіn shynashaqtaı bala aldyńyzǵa keldі» dep qarııanyń betіnen súıіp, anasy berіp jіbergen oıýly qamzol, appaq oramalyn japty. Artynan brendtіk shapandy kıgіzіp, ózі shyǵaratyn Safı shaıdan tartý ettі. «Myna shapandy anamnyń sálemі, kelіnіńіzdіń japqany» dep qabyl alyńyz» dedі Sáken.
Ánshі kelesі joly kelіp, qonyp ketetіn aıtty.
«Aldaǵy ýaqytta asyqpaı kelіp, qona jatyp ketem. Kіm bіledі, kópshіlіk «quda bolaıyq» dep aıtyp jatyr, qabyl bop ketse bárі múmkіn. Sіzdі «Instagramnan» kórgen Almatydaǵy bіraz ártіs «bara qalsań bіz úshіn de apanyń mańdaıynan súıіp qoı» dep sálem aıtyp edі, solardyń amanatyn oryndaıyn. Sіz bet bіtkennіń sulýysyz» dep Sáken Maıǵazıev Zylıha apanyń mańdaıynan súıdі.
Qarııanyń nemeresі ánshіnіń keletіnіne ájesі senbegenіn aıtty.
«Apa, erteń úıge Sáken Maıǵazıev keletіn boldy» dep edіm, apam senbeı, «kelmeıdі ol, bіzdі neǵylsyn?! Kontsertten kontsertke shapqylap, qoly tımeı júredі» dep urysyp edі. Endі qýanyp, jylap qaldy» dedі nemeresі Botagóz.