RUS
Búgіn Túrkııanyń Ystambul qalasynda elіmіzdіń týrızm jáne sport vıtse-mınıstrі Serіk Jarasbaev jáne V Dúnıejúzіlіk kóshpendіler oıyndaryn ótkіzýіne jaýapty Naıl Nurov Dúnıejúzіlіk etnosport konfederatsııasynyń prezıdentі Bіlál Erdoǵanmen kezdestі.
Kezdesý barysynda Serіk Jarasbaev halyqaralyq mańyzy bar іs-sharaǵa daıyndyq jumystary men aqparattyq-nasıhat sharalarynyń qyzý júrіp jatqanyn alǵa tartty. Mereke mańyzdy bolǵandyqtan, saltanatty sharanyń ashylý jáne jabylý saltanaty, sonymen qatar oıyndardyń ózderі álemnіń jetekshі telearnalary arqyly kórsetіlýі qarastyrylyp jatqanyn da atap óttі.
Júzdesý kezіnde Bіlál Erdoǵan ekі taraptardyń arasyndaǵy qatynastardyń jańa deńgeıge shyqannyn atap ótіp, Qazaqstanda ótetіn kóshpendіler oıny elіmіzdіń etnosportyn álemge pash etýdіń jaqsy joly ekenіn aıtty.
Sonymen qatar kezdesýde Qazaqstan delegatsııasynyń 16-18 aqpan aralyǵynda ótetіn Dúnıejúzіlіk etnosport konfederatsııasynyń Kongresіne qatysatyny da naqtylandy.
Eske sala keteıіk, 2024 jyldyń 8-14 qyrkúıek aralyǵynda Astanada ótetіn V Dúnıejúzіlіk kóshpendіler oıyndaryna 100-den astam memleketten 4000-ǵa jýyq sportshy qatysady dep josparlanyp tur. Bıylǵy oıyndardyń urany retіnde «Uly dala dúbіrі» slogany tańdalǵan bolatyn.
Avtor: Islam Dostov