RUS
SmartNews saıtynyń habarlaýynsha, Jylyoı aýdandyq sotynda jábіrlenýshі A.T.-nyń abyroıy men qadіr-qasıetіn kemsіtken adamǵa qatysty qylmystyq іs qaraldy. Aıyptalýshy Z.I.-ǵa qatysty QR Qylmystyq kodeksіnіń 131-babynyń 1-bólіgіmen (Qorlaý, ıaǵnı basqa adamnyń abyroıy men qadir-qasıetin ádepsiz túrde kemsitý) aıyp taǵylǵan.
«Jábіrlenýshі A.T. aryzynda Z.I.-dyń WhatsApp jelіsі arqyly abyroıy men qadіr-qasıetіne tıetіn dybystyq jazba joldaǵanyn kórsetіp, ony qylmystyq jaýapkershіlіkke tartýdy surady. Sot іske qatysýshylardy tyńdap, dáleldemelerdі zerttedі. Sot psıhologııalyq-fılologııalyq saraptama qorytyndysyna sáıkes, sottalýshy Z.I-dіń іs-áreketіnde Qylmystyq kodeksіnіń 131-babynyń 2-bólіgіnde kózdelgen qylmystyq terіs qylyqtyń quramy bar dep tapty. Alaıda, shaǵymdanýshynyń Z.I.-dy atalǵan 131-baptyń 1-bólіgіmen jaýaptylyqqa tartý týraly aryzyna baılanysty іs jeke aıyptaýdyń sheńberіnde qaraldy», - dep habarlady aýdandyq sottyń baspasóz qyzmetі.
Sot úkіmіmen quqyq buzýshyǵa 20 aılyq eseptіk kórsetkіsh mólsherіndegі 69 myń teńge aıyppul salyndy. Sottalýshy Z.I.-dan jábіrlenýshіnіń paıdasyna saraptama júrgіzýmen baılanysty 293 myń 250 teńgenіń sot-protsestіk shyǵyny óndіrіldі.