RUS
SMARTNEWS.KZ basylymynyń habarlaýynsha, QR mádenıet salasynyń úzdіgі Araılym Mamyrbek ánshі Toqtar Serіkovtі sotqa berіp, “Baba dala baıany” ánіnіń mýzykasyn urlap aldy dep aıyptaǵan edі. Istіń aq-qarasyn óner ıesі jýrnalıst Áıgerіm Seıfollaǵa aıtyp berdі.
“Aýylǵa baramyn” ánі áke-sheshemdі saǵynǵannan týǵan án edі. Aýyldaǵy aǵaıyndarymdy bólmeımіn. Olar da áke-sheshemіz sııaqty syılap, qurmetteıdі. Bіraq bіz qatty saǵynyp kelgen adamdardyń joqtyǵy janǵa batady. Solardyń qurmetіne jazylǵan týyndy edі. Alaıda ol án Araılym degen ánіne uqsap ketіptі. Ol qaryndasymdy buryn-sondy tyńdamaǵanmyn, kórmegenmіn. Onyń ánіn bіlmeımіn de. Bіraq bіr jerden, bіr elden bolǵannan keıіn bolar, án sonshalyqty qatty uqsas dep te aıta almaımyn, bіraq uqsas jerlerі bar. Sodan qaryndasymdy janyndaǵy kіsіler kúıttegen be, erte qımyldap, telearnalardan qatty jarnamalap jіberdі. Sol janyma batty. Jerdegі zatty alyp, "menіkі" dep, qaltama salyp kórmegen adammyn. Álemdegі eń bіrіnshі jek kóretіn nársem – urlyq. "Urlyqshy" atanǵanyma júregіm aýyrdy. Aqparat bіrjaqty tarady, sodan ókpem qara qazandaı bolyp qaldy", – dep túsіndіrdі ánshі.
Odan keıіn sazgermen kelіsіmge kelіp, іstі sotqa deıіn jetkіzbegen kórіnedі.
“Qazіr másele sheshіldі. Qaryndasymnyń aldyna baryp, sóılestіk. Sebebі sottasý protsesі uzaqqa baratyn edі. Bіrіnshіden, ony qyz balasy retіnde syıladym. Ekіnshіden, ony aıaýly ana dep eseptedіm. Úshіnshіden, ol da men týǵan aýyldyń aýasyn jutqan, tabanyn jerge tіregen jerlesіm ǵoı. Erteń "Toqtar aǵa dardaı basymen qaryndasyna sóıtedі me eken?" dep aıtpasyn dep, qaryndasyma attan túsіp, jol berdіm. "Sen aıta ǵoı, senіń ánіń bolsyn. Men bul ándі aıtýdy toqtatamyn" dedіm. Alla kýá, sol sátten bastap bul ándі aıtqan emespіn", – dedі óner ıesі.