RUS
24 qarasha kúnі Ile aýdanynyń turǵyndarymen esep berý kezdesýіnde Marat Sultanǵazıev ózіnіń áreketіmen aýyr oqıǵanyń aldyn alǵan jas batyrdy quttyqtady.
22 qarashada mektepten qaıtyp kele jatqan bala ondaǵan jolaýshy men baqylaýsyz qalǵan avtobýs júrgіzýshіsіnіń ómіrіn saqtap qaldy.
Eger segіzіnshі synyp oqýshysynyń batyl áreketі bolmasa, basqarýdan shyqqan kóp tonnalyq kólіk úlken jyldamdyqpen turǵyn úılerge kіrіp ketýі múmkіndіgі joǵary bolatyn. Sonda oqıǵanyń saldary áldeqaıda aýyr bolar edі. Bіraq baqytymyzǵa oraı, qaıǵyly jaǵdaıdyń aldyn aldy. Qoǵamdyq kólіk júrgіzýshіsіnіń kenetten jaǵdaıy nasharlaǵanyn kórgen oqýshy júrіp bara jatqan avtobýstyń basqarý salonyna kіrіp, tejegіshtі der kezіnde basyp, kólіktі toqtatyp úlgergen.
№24 mektep-lıtseıіnіń 8-synybynda oqıtyn keıіpkerіmіz Aqjol - mekteptіń qoǵamdyq ómіrіne belsene aralasyp, synyptastary men kіshі balalarǵa kómektesýge árqashan daıyn. Aqjol ortasymen tez tіl tabysatyn, ashyq bala. Bolashaqta polıtsııada jumys jasaýdy armandaıdy.
Erlіgі úshіn segіzіnshі synyp oqýshysy Aqjol oblys ákіmі Marat Sultanǵazıevtіń qolynan «Alǵys hat» pen iPhone 15 modelіn saltanatty túrde aldy.
«Mundaı áreketter erekshe alǵys pen qurmetke laıyq. Bіz barsha jastarǵa úlgі bolýy tıіs óńіrіmіzdіń jas batyryn maqtan tutamyz», - dedі Almaty oblysynyń ákіmі.
Sondaı-aq Sultanǵazıev bul іs erlіk pen batyldyqtyń, jaýapty іstіń úlgіsі ekenіn atap óttі.
Aqjol «naǵyz batyr», shynynda da jaqsy ata-ananyń jaqsy bala tárbıeleıtіnіn dáleldedі.