RUS
Қала әкімімен кездесуде қала тұрғыны жетім балаларды баспанамен қамту мәселесі жайында сұрақ қойды.
«Статистикаға сенсек, бес жыл ішінде жетім балаларға 246 пәтер берілген. Бұл мәселені шешудің қандай да бір жолы бар ма?» деп сұрады қала тұрғыны.
Ерболат Досаев жетім балалар үшін 2 мың пәтер сатып алуды жоспарлап отырғанын айтты.
«Иә, бізде тұрғын үй мәселесі бар. Тұрғын үйді пайдалануға беруде белгілі бір кідірістер болды. Биыл бюджетті қайта бөлу қарастырылып жатыр. Мәслихаттан сұрадым, олар мені қолдап, тұрғын үй салуға қосымша қаражат бөлді. Бірінші кезеңде биыл жетім балаларға 40 пәтер бөлінеді. Осыдан кейін 2 мың пәтер сатып алуды жоспарлап отырмын. Оның 20% 2023-2024 жылдар аралығында жетім балаларға беріледі», - деп жауап берді Алматы әкімі Ерболат Досаев.