RUS
Күдіктіде әкімнің атынан қол қою құқығы болған. Сонымен қатар ауыл әкімінің электрондық цифрлық қолтаңбасы да бар болып шықты.
Ол 2020 жылдың сәуірінен 2022 жылдың желтоқсанына дейін әкімнің ЭЦҚ кілті арқылы бюджет қаражатын ұрлап, мемлекетке 14 миллион теңгеден астам шығын келтірген.
Оның 3 миллионы ауыл әкімдігі қызметкерлерінің іссапар ақысы мен жалақысын төлеуге деп алған. Ол серіктестіктермен және жеке кәсіпкерлермен заңсыз келісімшарт жасап, миллиондаған ақшаны жымқырған.
Темір аудандық соты оны 4 жылға бас бостандығынан айырып, жазасын орташа режимдегі колонияда өте туралы үкім шығарып, ұрлаған қаражатты мемлекетке қайтаруға міндеттеді.