RUS
Университет маңындағы стадион жанында өтіп бара жатқан баланы бір топ жасөспірім көріп қалып, бірден соққыға алған. Баланы шешіндіріп, тепкілеп, бірнеше сағат аяусыз ұрған.
Қазір бала ауруханада жатыр. Денсаулық сақтау басқармасының хабарлауынша, балаға мидың жабық жарақаты диагнозы қойылған. Одан бөлек бірнеше жері көгеріп, жоғарғы және төменгі аяқтарының, беттің, бастың, арқаның, кеуденің және іштің абразиялары диагнозы қойылды. Жәбірленушінің жалпы жағдайы орташа деп бағаланған.
Жағдайға қатысты Балалардың құқықтарын қорғау комитеті мынадай пікір білдірді:
— Қазір зардап шеккен оқушы ауруханада ем алуда. Оған алдағы уақытта жан-жақты көмек көрсетілмек. Тіркелген факті бойынша қылмыстық іс қозғалды. Кінәлі адамдар жазасыз қалмауы керек.
Балалар арасындағы қатыгездікті алдын алу мақсатында өңірлерге білім беру ұйымдарында тәрбие жұмыстарын күшейтіп, балаларды қосымша біліммен 100%-ға қамту жөнінде шаралар қабылдау тапсырылды, – делінген комитет хабарламасында.