RUS
3 тамыз күні Ақжайық-Жеңіс құрамаларының арасында ала допта бәсеке өтті. Ойын аяқталған соң стадионды адамдардан қалған қоқыстар басып қалған. Алаңдағы қоқыстарды 10 жастағы Әлихан Сайхал жинауды бастаған.
— «Ақжайық» пен «Жеңіс» командалары арасында болған ойыннан соң стадион іші газет беттері мен сусын құтыларына толды. Несін жасырайық, мұндай көрініс әр ойын сайын болады. Бірақ арамызда трибуна тазалығына үлкен мән беретін бір жан бар. Ол – мына суреттегі қарғадай бала. Өзімен бірге қоқыс салатын полиэтилен қап алып келген қаршадай бала ойыннан соң стадион ішін тазалап, сіз бен біз шашқан орындарды жинап жүр», - дейді Ақжайық құрамасының баспасөз қызметі.
Көпке үлгі іс жасаған Әлиханға қоқыс жинауға достары да ат салысқан. Ақжайық футбол құрамасы алдағы матчта балақайға арнаған сыйы барын жеткізді.