RUS
Пікірталастар мен баяндамаларда адамзаттың ең керемет ғылыми өнертабыстары мен жетістіктері туралы сауалдар көтерілді.
Nobel Fest хэдлайнері, ең танымал автокөлік дизайнері - Фрэнк Стивенсон. Ол ғарыштық туризм және жуырда ұшатын такси шығатыны туралы айтты.
«Мен әлемге революция әкелетін көліктердің жаңа түрімен жұмыс істеп жатырмын. Адамдар тек ұшақпен ғана емес, арнайы ұшатын таксилермен де саяхаттай алады. Ол телефон арқылы басқарылады. Сонымен қатар, мен екінші жобамды - ғарышқа ұшатын аппараттарды дайындап жатырмын. Арнайы капсулада 8 адам және 1 ұшқыш бар. Мұнымен 10 жылдық кезеңнің соңына дейін 400-ге жуық сапар жасалады деп жоспарлануда. Мен бұл жобаның сыртқы дизайнын жасадым. Мен адамдардың өміріне айрықша әсер сыйлайтын саяхат сыйлағым келеді» , - деді ол.
Қазақстанның қоғам қайраткері, «Қауіп-қатерді бақылау тобы» консалтингтік үкіметтік емес ұйымының директоры Досым Сәтпаев қоғамның инновацияларға қарсы тұру жағдайы туралы айтып берді.
«Неолуддизм қоғам үшін проблема болады. Неолуддизм дегеніміз - жаңа технологияларды енгізуге жаппай қарсылық. Бұл құбылыс жаңа саяси қозғалыстарға негіз бола ма деген басты мәселе бар. Технологияны дамытудың пайдасын тек азшылық қана емес, халықтың басым бөлігі де сезінуі керек. Бұл болашақта Қазақстанға да қатысты. Біздің үкімет жұмыс орындарын қысқартуға дайын ба? Автоматтандыру енгізілсе, жұмыссыз қалғандарды не істеу керек?» - деді сарапшы.
Іс-шара спикерлерінің арасында ғалымдар ғана емес, үздік стартапшылар да болды. Солардың бірі - құны $11,5 млрд тұратын әлемдегі № 1 HR-стартаптың негізін қалаушы Прасанна Санкар.
«Мен 20 жасымда инженер болдым. Менде ақша болмады, ешкімді танымады, тек арманым бар еді. Менің таңғажайып нәрсе жасағым келді және оған ең қолайлы орын Силикон алқабы болды. Біз ол жерге сыныптастарыммен бірге көшіп барып, стартапты бастадық. Көптеген сәтсіздіктерден кейін мен 15 жылдан соң 10 миллиард доллардан асатын компанияны басқардым», - деп бөлісті ол.
Ол болашақта технология әлемінде не болатыны туралы өз болжамымен бөлісті.
«Менің ойымша, блокчейн - бұл жаңа интернет. Силикон алқабындағы Волл-стриттен, яғни қаржыдан технологияға өткен адамдар сәттілікке кезікті. Ал қазір Силикон алқабы криптовалютаға көшуде», - деді ол.
Адам санасына арналған сессияда екі сарапшы сөз сөйледі.
Адам миын зерттеудегі ең ықпалды сарапшылардың бірі, психофизиолог, Мәскеу мемлекеттік университетінің профессоры Александр Каплан жасанды интеллекттің әсері туралы айтты.
«Үлкен жаңалықтардың ешқайсысы алгоритм арқылы жасалмайды. Жасанды интеллект ешқашан керемет жаңалық ашпайды. Бұл - адамның ұлы құпиясы. Жасанды интеллект бұған қабілетті емес. Дегенмен, есептеу машиналары біз үшін шешім қабылдай бастауы мүмкін деген қауіп бар. Біз жасанды интеллекттен не қалайтынымызды, не істейтінімізді сұрайтын уақыт келуі мүмкін. Бұл жерде адамның шешімдеріне кедергі жасау қаупін де жоққа шығара алмаймыз. Біз AI-дан не қалайтынымызды, не істейтінімізді сұрайтын уақыт келсе, таңғалмаңыз. Бұл жерде адамның шешімдеріне кедергі жасау қаупі бар. Біз гуманитарлық бағыттағы цифрлық әлемге келуіміз керек. Бұл адамдарды түсінетін және адамдарға жанашырлықпен қарайтын кірістірілген модульдері бар AI жүйелері болуы тиіс», - деді ол.
Көрнекті невролог, адам миы жаһандық жобасының негізін қалаушы, Лондон университеттік колледжі Неврология институтының құрметті профессоры Ричард Фраковиак миды зерттеу тақырыбы бойынша сөз сөйлеп, деменция диагнозы туралы айтты.
«Біз 150 жылдық ғылыми ойлау кезеңін алдық және шын мәнінде, деменция қазір классикалық ауру емес екенін анықтадық. Психологтар 2005 жылы шығарған өте маңызды қорытынды: әртүрлі дәрігерлер бір науқасқа әртүрлі диагноз қоюға бейім. Бұл психологиялық ерекшеліктерге байланысты. Бұрын бәрі деменцияны когнитивті бұзылулармен және қартаюмен байланыстырды. Алайда психологиялық жағы көп жылдар бойы ескерілмей келеді. Ал деменция Альцгеймер ауруы емес, ол кейбір науқастарда деменция тудыруы мүмкін. Бірақ бұл негізгі себеп емес», - деді ол.
Nobel Fest – халықаралық EdTech платформасы. Фестивальдің басты мақсаты – қазақстандықтарды білімге, ғылымға жəне инновацияға баулу.
Nobel Fest жыл сайын 100 елден 500 000 қатысушы мен 500 университеттің басын қосады, жан-жақты білімнің ұзақ мерзімді дамудағы жəне жарқын болашақты қалыптастырудағы рөлі туралы талқы алаңына айналады.