RUS
SMARTNEWS.KZ басылымының хабарлауынша, мединицалық сот-сараптамасын жасаған тәуелсіз сарапшы Тахир Халимназаров Шерзаттың өмірін сақтап қалу мүмкін болғанын айтты.
Сарапшының айтуынша, егер алғашқы көмек дер кезінде көрсетілсе, жағдай басқаша болар еді.
Тәуелсіз сарапшы Тахир Халимназаров 16 жастағы Шерзат Полаттың өліміне қатысты жүргізілген сараптама қорытындысына өз пікірін білдірді.
Сот процесі кезінде жәбірленуші тараптың адвокаттары сарапшыға: «Қандай жағдайда Шерзат тірі қалуы мүмкін еді?» деген сұрақ қойды.
Халимназаровтың сөзінше, әр адамның ағзасы қан жоғалтуға әртүрлі төтеп береді. Бірақ Шерзаттың жағдайында көкірек қуысында 1,5 литр қан жиналғаны анықталған – бұл аса көп көлем.
«Орта есеппен 500-600 мл-ден кейін адамның жағдайы ауырлай бастайды. Ал бұл жерде ander 1,5 литр қан жоғалту фактісі бар. Егер қан көлемі 1 литрге жетпей тұрғанда медициналық көмек көрсетілсе, оның өмірін сақтап қалуға мүмкіндік болушы еді. Бұл – тәжірибеде дәлелденген жайт», – деді сарапшы.
Айта кетейік, Шерзат Полаттың өліміне қатысты сот отырысы тікелей эфирде өтіп жатыр.
Еске сала кетейік, былтыр 9 сәуір күні, белгілі қылмыстық іс бойынша куәгер ретінде шыққан сарапшы Халимназаров марқұм Салтанат Нүкенованың жарақаттарына қатысты кәсіби пікір білдірген болатын.