Тараздағы университетте Тұңғышбай Жаманқұловтың шеберханасы ашылды
Тұңғышбай Жаманқұлов 75 жасқа толды.
Smart News басылымының хабарлауынша, М.Х.Дулати атындағы Тараз өңірлік университетінде Қазақстанның халық әртісі, Мемлекеттік сыйлықтың лауреаты Тұңғышбай Жаманқұловтың театралды шеберханасы ашылды.
Тұңғышбай Жаманқұлов актер, режиссер, театр педагогы, өнертану ғылымдарының кандидаты, профессор. Өнер өлкесінде өзіндік ізі бар қайраткер биыл 75 жасқа толып отыр. Саналы ғұмырын қазақ сахнасының өсіп-өркендеуіне арнаған тұлғаны университет ұжымы ерекше құрметке бөледі.
Шеберханада өнер қайраткерінің кинодағы әйгілі картиналары ілінген, шеберхана ортасында студенттер қойылым қою үшін сахна орналасқан. Арнайы ашылған бұл шеберханада студенттер ұстаз тәлімін, өнер жолынан өнеге алады. Сахна шеберлігін шыңдайды.
Материал авторы
