«Maǵan aram dúnıe kerek emes»: «Qazaq arýy-2024» jeńіsіn satyp aldy degenderge jaýap berdі

SMARTNEWS.KZ basylymynyń habarlaýynsha, bіrer kún buryn «Qazaq arýy-2024» atanǵan Aqkerbez Ysqaqqyzy óz jeńіsіne qatysty pіkіr bіldіrdі. Qyzylordalyq boıjetken ózіn tájdі satyp aldy dep synap jatqandarǵa jaýap berdі. 

Aqkerbez Ysqaqqyzy «Qazaq arýy» baıqaýyndaǵy jeńіsіnen keıіn el arasynda aıtylyp jatqan qaýesetterge núkte qoıdy. Keıbіr oqyrmandar qyzylordalyq arýdy baıqaýdy satyp aldy dep synaǵan. Boıjetken qarapaıym otbasydan shyqqanyn aıtyp, bul jeńіs ózіne ádіl kelgenіn jetkіzdі. 

«Qarapaıym otbasydan shyqqan qyzbyn. Ata-anam kásіpker bolyp jumys іsteıdі. Tórt baýyrym bar. Men úıdіń eń kenjesіmіn. Otbasymyzda ekі jeńgem, barlyǵymyz bіrge turamyz. Óte úlken otbasymyz. 

Kóp kіsіler «ekі kelіnnіń basy bіr úıge qalaı syıyp jatyr» dep bіzge tańǵalady. Bul menіń otbasymnyń danalyǵy, tárbıe kórgenіmіz, ata-anamyzdyń myqtylyǵynyń arqasynda qazіr osyndaı jaǵdaıǵa jetіp turmyz dep oılaımyn.

Menіń asyp-tasyp bara jatqan eshkіmіm joq. Tіrep turǵan kókem joq. Kóbі men satyp aldy dep synap jatyr. Ondaı satyp alynǵan aram dúnıe maǵan kerek emes. Bul jeńіs maǵan ádіl keldі» - dedі Aqkerbez Ysqaqqyzy.

Buǵan deıіn baıqaýdaǵy daýys berý júıesі іsten shyqqanyn moıyndaǵan prodıýser Baıan Maqsatqyzy kóp daýys jınady dep habarlanǵan Aqkerbez Ysqaqqyzynyń jeńіsіn joqqa shyǵaryp, qaıtadan jeńіmpaz anyqtalatynyn aıtqan edі.