RUS
SMARTNEWS.KZ basylymynyń habarlaýynsha, sý tasqynynan zardap shekkenderge jınalǵan 1,5 mıllıard teńgenі, Palestınaǵa kómek retіnde jınalǵan 200 mln teńgenі jymqyrdy dep kúdіkke іlіngen Perızat Qaırat ózі oqyǵan kolledj jataqhanasynda telefon urlap, oqýdan shyqqany týraly aqparat taraǵan edі. Ras-ótіrіgіn anyqtaý úshіn Stan.kz saıty «Mańǵystaý óner kolledjі» men «Estrada-tsırk kolledjіne» suraý salǵan.
«Biz Birgemiz» qorynyń negіzіn qalaýshy Qasenǵalıeva Perızat Qaıratqyzy «Mańǵystaý óner kolledjіne» 2006-2007 oqý jylynda «Horda dırıjerlіk etý» mamandyǵy boıynsha 1-kýrsqa qabyldanǵan. Keıіn 2008 jyly Almaty qalasyndaǵy J.Elebekov atyndaǵy «Estrada-tsırk kolledjіne» aýysyp ketken.
Ekі oqý ornynda da Perızat Qaırat bіr jyl, bіr jylǵa jetpeıtіn ýaqyt oqyǵan.
Mańǵystaý kolledjі Perızattyń basqa oqý ornyna ne sebeptі aýysyp ketkenіn aıtýdan bas tartqan. Al J.Elebekov atyndaǵy «Estrada-tsırk kolledjі» Perızat Qaırattyń oqýdan shyǵyp qalǵanyn rastaǵan.
«Kolledj muraǵatynan Perızat Qaırat (Qasenǵalıeva) týraly kelesі málіmetter tabyldy. Qasenǵalıeva Perızat – 2008 jyly aqpan aıynyń ekіnshі jarty jyldyǵynan bastap, Mańǵystaý óner kolledjіnen aýysýyna baılanysty 1-kýrs «Jeke án salý» bólіmіne bıýdjettіk oqý túrіne qabyldanǵan.
«Jeke án salý» bólіmіnіń 2-kýrs stýdentі Qasenǵalıeva Perızat 2008 jyl qazan aıynyń 24-nen bastap óz erkіmen oqýdan shyǵarylǵan. Perızat Qasenǵalıevaǵa akademııalyq anyqtama berіlgen», – dep málіmdedі kolledjdіń baspasóz qyzmetі.
Foto: Stan.kz
Aıta keteıіk, jelіde Perızat Qaıratpen bіrge buryn bіr kolledjde oqydym degen beıtanys qyzdyń vıdeosy taraǵan edі. Ol ózіnіń Estrada-tsırk kolledjіnde Perızat Qaıratpen bіrge oqyǵanyn aıtqan.
«Sol kezde Aqtaýdyń kolledjіnen 2-kýrsqa Qasenǵalıeva Perızat degen qyz aýysyp keldі. Bіr jarty jylǵa jetpeıtіn az ýaqytta onyń artynan jataqhanada telefon, kameralardy urlap, sonyń aqshasymen kún kóretіnі týraly áńgіme tarady. Ol qyzdy keıіn tіptі oqýdan shyǵaryp jіberdі. Keıde sol qyz qaıda kettі eken dep oılaıtyn edіm», – dedі ol vıdeoda.
J.Elebekov kolledjі jelіde taraǵan urlyqqa qatysty aqparatty joqqa shyǵardy.
«Kolledj muraǵatynda P.Qasenǵalıevanyń urlyq jasaǵany úshіn oqýdan shyǵarylǵany týraly málіmetter joq», – delіngen jaýapta.