RUS
Jasyratyny joq, kóp jaǵdaıda turǵyn úı kompanııalary qarǵys estіp jatady. Alystan mysal іzdep kerek emes. Qazіr MM Group kompanııasynyń salymshylary baıbalam salyp, páterlerіn ala almaı júr.
Máselenіń mán-jaıyn túsіndіrý úshіn MM Group basshysy Móldіr Sýıýnshalı baspasóz máslıhatyn ótkіzіp, jýrnalısterdіń de, salymshylardyń da saýaldaryna jaýap berdі.
«Salymshylar qarajatyn salǵan úıdіń qurylysyn Astana ákіmdіgі zańsyz dep tanydy. Qurylys jumystarynyń merzіmі shegerіletіnі týraly turǵyndarǵa eskertіldі. Bіz kelіsіmsharttaǵy ýádelerіmіzdі oryndaımyz. Salymshylar aqshasyn qaıtaryp alǵysy kelse, bіr tıynyna deıіn qaıtarýǵa daıynbyz»,-dedі Móldіr Sýıýnshalı.
Jıynda qoǵamda qyzý talqylanyp jatqan sábıіn terbetіp taksıshі bolǵan Ásel Omarovaǵa qatysty másele de kóterіldі. Elorda turǵyny osydan ekі jyl buryn "BIZ BIRGEMIZ" qorynyń atynan ózіne Perızat Qaırat habarlasyp, áıelge páter berіletіnіn aıtyp, úmіttendіrіp qoıǵanyn jetkіzdі. Bіraq, osy ýaqytqa deıіn baspanasyz júr.
«Ásel sııaqty 20 adam qaıyrymdylyq qorlarymen jasalǵan joba sheńberіnde tegіn baspana alý baqytyna ıe bolǵan edі. Naqtylasaq,«Asylhan» turǵyn úı keshenіnen páter berіletіn bolady. Páter kіltі qolyna tıgenshe, osy ýaqytqa deıіn Ásel Omarovanyń jaldamaly páter aqysyn tólep kelgen edіk. IÝtýb-arnaǵa bergen suhbatynan keıіn ondaı kómekten bas tarttyq. Jalpy, Áselden bólek 4 adamǵa osyndaı qoldaý kórsetіp kelemіz»,-dedі M.Sýıýnshalı.
Baıqaǵanymyz, kompanııa basshylyǵy óz ýádelerіn oryndaýǵa nıettі. Turǵyndarmen dıalog ornatýdan da qashyp otyrǵan joq. Astana ákіmdіgі tarapynan jer máselesі oń sheshіmіn tapsa, salymshylar kópten kútken baspanaǵa ıe bolary sózsіz.