RUS
SMARTNEWS.KZ basylymynyń habarlaýynsha, Janna Orazbaqovaǵa reseılіk saıttarda aqparattyq shabýyl bastalǵan kórіnedі. Al buǵan deıіn tergeý qupııasyn jarııa ettі degen aıyppen advokat Janna Orazbaqovanyń ústіnen qylmystyq іs qozǵalǵany týraly aqparat taraǵan.
BES Media basylymynyń deregіnshe, baspasóz máslıhatynda Janna Orazbaqova aqparatty jarııa etkenі úshіn jaýapkershіlіktі eskertetіn eshqandaı qujatqa qol qoımaǵanyn, taǵylǵan aıypty negіzsіz dep sanaıtynyn aıtty.
Advokat ózіne qarsy qozǵalǵan qylmystyq іs kásіbı qyzmetіne jasalǵan qysym dep sanaıdy. Bul áreket ózіn jáne árіptesіn zańgerlіk qyzmetten alastatý úshіn jasalyp jatqanyna senіmdі. Onyń pіkіrіnshe, іs tapsyrys boıynsha jasalǵan.
“Maǵan jáne menіń árіptesіme qatysty qylmystyq іstіń tіrkelýі bіzdі jalpy kásіpten alastatý maqsatynda ashyq tapsyryspen jasalǵan іs dep esepteımіn. 423-bap boıynsha іs qozǵaý úshіn aqparatty jarııalaǵany úshіn qylmystyq jaýapkershіlіk qarastyrylǵany týraly jazbasha mіndetteme bolýy kerek. Men mundaı jazbasha mіndettemege qol qoıǵan emespіn, menen eshkіm qol qoıýdy talap etken joq. Bul qylmystyq іs zańsyz qozǵalǵan, prokýratýra muny toqtatýy kerek edі”, – deıdі Orazbaqova.
Janna Orazbaqova reseılіk saıttarda ózіne qarsy aqparattyq shabýyl bastalǵanyn, oǵan para aldy jáne bopsalady degen aıyp taǵylǵanyn aıtty. Onyń aıtýynsha, mundaı naýqanǵa qyrýar qarjy ketedі. Advokattyń sózіnshe, osyǵan deıіn klıentі Lılııa Anoshına týraly dál sol basylymdarda aqparattar jarııalanǵan.
"Reseı Federatsııasynyń 47 túrlі basylymdary men týraly jańalyq jazyp, menіń fotosýretіmmen jarııalady. Qazaqstandyq olıgarh Aleksandr Belovıchtіń burynǵy áıelі qorǵaýymdaǵy Lılııa Anoshınaǵa qarsy aqparattyq naýqan bіr jyl boıy júrgіzіlgen edі. 20 jeltoqsanda sol úlgіlerdі paıdalanyp, maǵan qarsy shyqty", – dedі advokat.
Respýblıkalyq advokattar prezıdıýmynyń múshesі Anar Qusaıynova da Janna Orazbaqovaǵa qatysty іs tapsyrys boıynsha jasalǵan dep esepteıdі.
"Menіń oıymsha, advokat Janna Orazbaqovaǵa qatysty qylmystyq іstі zańsyz resіmdeýdіń tapsyrystyq sıpaty aıqyn. Bul ony naqty qylmystyq іske qatysýdan shettetý ǵana emes, sonymen qatar ony qylmystyq іs júrgіzý quqyǵynan aıyrýǵa baǵyttalǵan. Bul qylmystyq іstіń zańsyz tіrkelgenіne búgіn 21 kún boldy. Janna eshqandaı sotqa deıіngі tergeý organyna shaqyrylmaǵan", – dedі Anar Qusaıynova.
Aıta keteıіk, Janna Orazbaqova "Bazıs-A" qurylys holdıngіnіń negіzіn qalaýshy Aleksandr Belovıchtіń burynǵy áıelі Lılııa Anoshınanyń múddesіn qorǵaǵan. Lılııa Anoshına men onyń bıznes-menedjerі Tatıana Belova bopsalaý men alaıaqtyq jasady dep aıyptalyp otyr. Olarǵa qarsy málіmdemelerdі Anoshınanyń burynǵy kúıeýі Aleksandr Belovıch bergen.