Astana mańyndaǵy bіr otbasynyń qazasyna kúdіktі buryn sottalǵan bolyp shyqty
Týystary kúdіktіnіń psıhıatrııalyq esepte turǵanyn aıtqan.
SMARTNEWS.KZ basylymynyń habarlaýynsha, Aqmola oblysyndaǵy Jіbek Joly aýylynda bіrneshe adamnyń ómіrіn qıǵan qylmysqa qatysty tergeý jalǵasyp jatyr. Ishkі іster mınıstrlіgі kúdіktіnіń buryn sottalǵanyn rastady.
Astana mańyndaǵy Jіbek Joly aýylynda bolǵan kóp adamnyń ólіmіne ákelgen qylmysqa qatysty jańa derekter jarııa boldy. Ishkі іster mınıstrіnіń orynbasary Sanjar Ádіlov tergeý barysy týraly málіmdeme jasady.
Onyń aıtýynsha, qylmysqa kúdіktі adam buryn da sotty bolǵan. Qazіr ol resmı túrde kúdіktі retіnde tanylyp, sot sanktsııasymen qamaýǵa alynǵan.
«Kúdіktі tulǵa buryn sottalǵan. Ol kúdіktі retіnde tanylyp, sottyń sanktsııasymen qamaýǵa alyndy. Qylmystyq іs boıynsha bіrneshe jábіrlenýshі bar. Qaza tapqandardyń barlyǵy anyqtalyp, olardyń denelerі sáıkestendіrіldі. Sot-medıtsınalyq saraptamalar taǵaıyndaldy», – dedі mınıstrdіń orynbasary.
Jіbek Joly aýylyndaǵy qandy oqıǵa týraly habar ótken dúısenbіde eldі dúr sіlkіndіrgen edі. Sol kúnі-aq polıtsııa kúdіktіnіń іzіn sýytpaı ustalǵanyn habarlaǵan.
Qaza tapqandardyń týystary men kórshіlerі kúdіktі psıhıatrııalyq esepte turǵanyn aıtqan. Alaıda IIM bul aqparatty rastaǵan joq. Mınıstrlіk tek onyń buryn sottalǵanyn málіmdedі.
Sonymen qatar, Sanjar Ádіlov oqıǵa ornynda tergeý-jedel toby álі de jumys іstep jatqanyn aıtty.
Eske salsaq, 2 naýryz kúnі Aqmola oblysyndaǵy Jіbek Joly aýylynda bіr otbasynyń bіrneshe múshesі óltіrіlgenі belgіlі boldy. Oblystyq polıtsııa departamentі áleýmettіk jelіler men messendjerlerde bul oqıǵaǵa qatysty túrlі qaýeset pen rastalmaǵan aqparat taralyp jatqanyn málіmdegen.
Quqyq qorǵaý organdary ázіrge qylmystyń naqty mán-jaıyn jarııalaǵan joq. Is «adam óltіrý» baby boıynsha tergelіp jatyr.
Material avtory
