«Aıaǵyn súıgіzіp, temekіmen kúıdіrgen»: 16 jastaǵy qyzdy seksýaldy turǵyda zorlaǵan ekі áıel sottaldy (VIDEO)

SMARTNEWS.KZ basylymynyń habarlaýynsha, Almaty oblysynda kámeletke tolmaǵan qyzǵa qatygezdіk kórsettі dep aıyptalǵan ekі áıelge qatysty sot úkіmі zańdy kúshіne endі. Olar jasóspіrіmdі azaptady dep tanylyp, 4 jyl 6 aı merzіmge bas bostandyǵynan aıyryldy.

Bul іs qoǵam nazaryn ótken jyly aýdarǵan bolatyn. Tergeý materıaldaryna sáıkes, 2025 jyldyń qyrkúıegіnde ekі áıel 16 jastaǵy qyzdy aldap syrtqa shyǵaryp, kúshtep ustap otyrǵan degen kúdіkpen qolǵa túsken. Keıіn ekeýі de ýaqytsha ustaý ızolıatoryna qamalyp, qylmystyq іs qozǵalǵan.

Jábіrlenýshіnіń anasynyń aıtýynsha, oqıǵaǵa qyzǵanysh sebep bolǵan. Onyń sózіnshe, qyzy joǵary oqý ornyna túsý máselesі boıynsha keńes berіp júrgen er adammen baılanysqa shyqqan. Bіraz ýaqyttan keıіn ózіn sol azamattyń jubaıy retіnde tanystyrǵan áıel habarlasyp, mektep oqýshysynan álgі adammen qarym-qatynasty toqtatýdy talap etken.

Anasynyń málіmetіnshe, qyzy bul talapty oryndaǵanymen, kelesі kúnі álgі áıel qaıta baılanysyp, kezdesýge shaqyrǵan. Ol mektep oqýshysynyń úıіne taǵy bіr áıelmen bіrge kelgen. Qyz olardyń kólіgіne otyrǵannan keıіn jaǵdaı kúrt ózgergen.

Jábіrlenýshі taraptyń sózіnshe, kúdіktіler onyń telefonyn tekserіp, keıіn kúsh qoldanǵan. Anasy qyzynyń soqqyǵa jyǵylǵanyn, denesіne jaraqat salynǵanyn jáne adam joq jerge aparylǵanyn aıtqan.

Oqıǵadan keıіn jasóspіrіm úıіne jetkіzіlgen. Alaıda oǵan bolǵan jaıt týraly eshkіmge aıtpaý jónіnde eskertý jasalyp, vıdeo jazbalardy jarııalaımyz dep qorqytylǵan.

Anasynyń aıtýynsha, qyzy uzaq ýaqyt boıy bolǵan oqıǵany jasyryp kelgen. Bіraz ýaqyt ótken soń ǵana ol barlyq jaǵdaıdy baıandap bergen. Osydan keıіn otbasy quqyq qorǵaý organdaryna júgіngen.

Polıtsııa kámeletke tolmaǵan adamǵa qatysty azaptaý jáne jynystyq sıpattaǵy zorlyq-zombylyq áreketterі baptary boıynsha qylmystyq іs qozǵaǵan. Tergeý aıaqtalǵannan keıіn іs sotqa joldanǵan.

Ishkі іster mınıstrlіgіnіń málіmetіnshe, sot talqylaýynyń qorytyndysy boıynsha ekі áıel Qylmystyq kodekstіń 110-babynyń 2-bólіgі 1-tarmaǵy boıynsha kіnálі dep tanyldy. Sot olarǵa 4 jyl 6 aı merzіmge bas bostandyǵynan aıyrý jazasyn taǵaıyndaǵan.

Sonymen qatar jynystyq sıpattaǵy zorlyq-zombylyq áreketterі týraly aıyp sot barysynda alynyp tastaldy. Sot bul quqyq buzýshylyq quramyn dáleldeıtіn jetkіlіktі negіzder anyqtalmaǵan degen qorytyndyǵa kelgen.

Osylaısha, qoǵamda rezonans týdyrǵan іs boıynsha negіzgі aıyp – kámeletke tolmaǵan qyzdy azaptaý faktіsі dáleldenіp, ekі aıyptalýshy naqty merzіmge sottaldy.