«Аяғын сүйгізіп, темекімен күйдірген»: Екі әйел 16 жастағы қызды ұрлап, оны сексуалды тұрғыда зорлаған
Алматы облысында күдіктілер кәмелетке толмаған қызды зорлап, оны бопсалаған көрінеді.
SMARTNEWS.KZ басылымының хабарлауынша, Алматы облысында кәмелетке толмаған қызға зорлық-зомбылық көрсеткен екі әйел қолға түсті. Бұл туралы облыстық полиция департаменті хабарлады.
Ведомство мәліметінше, күдіктілер 16 жастағы жасөспірімді ұрлап әкетіп, ұрып-соғып, сексуалды сипаттағы зорлық-зомбылық көрсеткен. Қазіргі таңда екі әйел уақытша қамау изоляторына қамалды.
«Бұл дерек бойынша қылмыстық іс қозғалып, кешенді тергеу амалдары басталды. Оқиғаның нақты мән-жайы анықталуда», – делінген полиция таратқан ақпаратта.
Желіде тараған бейнежазба қоғамда үлкен резонанс тудырды. Көпшілік жасөспірімнің тағдырына алаңдаушылық білдіріп, кінәлілердің заңға сәйкес қатаң жазалануы қажет екенін айтуда.
Материал авторы
