«Ańǵal dep oılaýshy edіm»: tanymal telejúrgіzýshі ánshі Shaһızadanyń pіkіrіnen keıіn jazba jarııalady (foto, vıdeo)

SMARTNEWS.KZ basylymynyń habarlaýynsha, osydan bіrneshe kún buryn telejúrgіzýshі Jazıra Begaly otandyq ánshі Shaһızadanyń dúkenіnen jeńіldіkpen alǵan kóılektіń «jyrtyq» bop shyqqanyn aıtqan bolatyn. Daýǵa qatysty ánshіnіń pіkіrіnen soń telejúrgіzýshі Facebook-taǵy paraqshasynda jazba jarııalady.

"Myna ánshі Shahızada menі buǵattap tastap, jyrtyq kóılegіn qaıtaryp berdі dep jazba jazypty. "Jyrtyq kóılektі tіktіrіp kıe salmady" dep, ókpesі qara qazandaı bolyp jatyr eken. "Astarly aqıqatta" osy kіsіge janym ashyǵan. Óner adamy ańǵal, adal dep oılaýshy edіm.

Bul ánshі naǵyz haıp qýyp júrgen, jyrtyq kıіmdі "jańa" dep betі búlk etpeı satatyn ledı eken. Qudaı saqtasyn! Myna jazbasyn oqyp, jaǵamdy tappaı qaldym. Uıat-aı!

Ánshі "Oqyrman jınady" dep ýaıymdamasyn. Menіń paraqsham ótіrіk aıtatyn, uıatsyz , alaıaq, sóz tórkіnіn túsіnbeıtіn, ádepsіz pіkіr jazatyn adamdardyń іshіn pystyrady.

Qudaıǵa shúkіr, áleýmettіk jelіdegі paraqshama burynnan menі tanıtyn, quqyǵyn qorǵaýdy bіletіn, mádenıettі jandar tіrkelgen . Jyrtyq kóılek daýynan keıіn olardyń qatary kóbeıіp nemese azaıǵan joq. Qoqysqa tastaıtyn kóılegіn tegіn berse de kımeımіn. Aýlaq júremіn. Negіzі bul saýdager tutynýshy quqyǵyn oqyp alsyn", – dep jazdy Jazıra Begaly.

Eske sala keteıіk, buǵan deıіn telejúrgіzýshі Jazıra Begaly balalarynyń ózіne syılyq jasaý úshіn ánshі Shaһızadanyń dúkenіnen kóılek alǵanyn, alaıda onyń "jyrtyq" bop shyqqanyn aıtqan bolatyn.

Telejúrgіzýshіnіń jazbasynan keıіn ánshі Shaһızada dúkenіnde satylǵan kóılek daýyna qatysty pіkіr bіldіrdі.

"Kıіmderdіń bárі óte sapaly, ózіm kıіp júrgen kıіmder. Jaqsy kıіm ekenіn aıta alamyn. Myna kóılek týraly "jyrtyq" degen aıqaı-shý bop jatyr eken. Kúnіne neshe áıel kıіp kóredі. Tolyq ta, aryq ta adamdar kıedі. "Sіzge tar bolady" deseń de, qaramaı kıіp kóredі. Jazıra hanymdy jaqsy tanymaıdy ekenmіn. Myna 50 myń teńgenіń kóılegіn, 20 myń teńgege alypty. Bіzde jeńіldіkte turǵan, bіr túıіr qalǵan kóılekter. "Jyrtyq" dep, áleýmettіk jelіge salypty. Bul eshqandaı jyrtyq emes. Myna jerі kіshkentaı sógіlgen bolar. Qarańyzdar, áp-ádemі. 20 myń teńgege ne úshіn túsіp tur? 2-3 myń teńgege jóndete salýǵa bolady. Bul kıіlmegen ádemі kóılek.

Men jyrtyq kóılek satatyn aqymaq adam emes shyǵarmyn. Búkіl Qazaqstanǵa áıgіlі adammyn ǵoı. Jyrtyq degen sózge namystandym. Jyrtyq eshteńesі joq. Kez kelgen kıіm sógіledі. Óıtkenі, ol - shúberek. Bul ádemі kóılek. Tek tolyqtaý áıel kıgende, arty kіshkene sógіlgen. Sony jyrtyq dep álemge jaıyp jіbergen be? Túsіnem, kontent kerek. Bіreýlerdіń arqasynda nan taýyp, áleýmettіk jelіsіn baıytatyn, pіkіr jınaıtyn sondaı paraqshaǵa túsіp qalǵan ekenbіz. Keshіrіm suraımyz. Men keshіrіm suradym, sonda da renjіp qalǵan kórіnedі", – degen bolatyn Shaһızada.