RUS
SMARTNEWS.KZ басылымының хабарлауынша, құтқару және су тасқынына қарсы іс-шараларға 5,5 мыңнан астам полиция қызметкері мен Ұлттық ұланның әскери қызметшісі, сонымен қатар ІІМ оқу орындарының курсанттары қатысып жатыр. Полиция ведомствосының 828 техникасы жұмылдырылған. Су басқан өңірлерде патрульдеу және кезекшілік тәулік бойы жүргізіліп жатыр.
«Тәртіп сақшылары жергілікті тұрғындардың ешқайсысы су басу қаупі бар аймақта қалып кетпеуі үшін елді мекендерде жаппай рейд жүргізуде. Қараусыз қалған мүлікті күзету үшін полиция су тасқынынан зардап шеккен 59 елді мекенді қоршауға алды. Қазір ішкі істер органдарының күзетінде қараусыз қалған 11 мыңнан астам тұрғын үй мен басқа да нысандар бар. Ұрлық-қарлыққа жол берілмеді», - деді ҚР ІІМ ресми өкілі Шыңғыс Алекешев ОКҚ алаңында өткен брифингте.
Сондай-ақ, ведомство өкілі үйлер мен басқа да нысандарды су басып, дәл соның салдарынан азаматтардың қаза болу фактілері тіркелмегенін атап өтті.
«Жалпы республика бойынша көктемгі су тасқыны барысында 5 өлім фактісі тіркелді. Атырау облысында - 4 және Ақтөбе облысында - 1 факт. Олардың арасында кәмелетке толмаған балалар жоқ. Бұл жерде, барлық жағдайларда қауіпсіздік талаптарының бұзылуына байланысты: бірі өз бетінше өзенді жүзіп өтпек болған; бірі су тасқынынын кейін, яғни эвакуациядан соң қауіпті аймаққа оралуға тырысқан. Барлық фактілер бойынша тексеру басталып, тергеу жүргізілуде. Ал, Түркістан облысында мұндай фактілер мүлдем тіркелген жоқ. Бұл жерде Ақтөбе облысындағы жағдай меңзелген болатын, онда кішкентай бала таяз суға құлап кетіп, көз жұмған», - деді спикер.
Ол қауіпсіздік шараларын қатаң сақтауға, уәкілетті органдардың заңды талаптарын орындауға, сондай-ақ мемлекеттік органдардың жұмысына түсіністікпен қарауға және оларға қол ұшын созуға шақырды.