RUS
SMARTNEWS.KZ басылымының хабарлауынша, Токиода бірқатар ұрлыққа қатысы бар деп күдікке ілінген бес шетелдік азамат ұсталды. Бұл туралы Tokyo Reporter хабарлады.
Ақпаратқа сәйкес, ұрлықтар 2024 жылы жасалған. Тергеу барысында қылмыстық топтың жетекшісі шетелдік азаматтарға шабуыл жасап, олардың құнды заттарын тартып алғаны анықталған. Мысалы, 30 желтоқсан күні олар бір туристке шабуылдап, оның 1400 АҚШ долларын тартып алған.
Токио полициясының мәліметінше, ұсталғандар – Өзбекстан азаматтары. Олардың төртеуі Жапония аумағында заңсыз жүрген.
Құқық қорғау органдары бұл топ 2023 жылдан бері шетелдіктерге қарсы шабуыл жасап келгенін айтады. Осы уақыт аралығында олар қылмыстық жолмен шамамен 50 мың АҚШ долларын тапқан.