RUS
SMARTNEWS.KZ басылымының хабарлауынша, Астананың сол жағалауында жеңіл автокөлік жаяу жүргіншілер жолағынан өтіп бара жатқан баланы қағып кетті.
Жол апаты туралы ақпарат әлеуметтік желілерде тарады. Оқиға Ұлы дала мен Әл-Фараби даңғылдарының қиылысында болған.
Алдын ала мәлімет бойынша, бала жолды қызыл шамда кесіп өтпек болған.
Қазіргі уақытта елордалық полиция департаменті бұл жайтқа қатысты ресми мәлімдеме жасаған жоқ. Дегенмен, қалалық денсаулық сақтау басқармасы баланың жарақат алғанын растады.
«Toyota жеңіл көлігі кәмелетке толмаған баланы қағып кеткен. Ол жабық бас-ми жарақатын алған. Қазір №2 көпбейінді қалалық балалар ауруханасында жатыр», – деп хабарлады ведомство.