RUS
SMARTNEWS.KZ басылымының хабарлауынша, Шерзаттың қазасы бойынша сот отырысында күдікті Шыңғыс Белқожаевтан жауап алынып жатыр.
Белқожаев сотта Нұрқанат пен Шерзатты шатастырып алғанын айтты.
“Мылтық атқан сақалдыны ұрам деп барғанмын. Видеоны қарасам Шерзатты ұрған екенмін. Сақалдымен шатастырып Шерзатты ұрып, тептім. Сосын көлік келіп, мініп кетіп қалдық. Биатлон жаққа барған соң көлігімде мылтық жатқанын көрдім. Оны алып, жолдың шетіне апарып лақтырып кеттім. Ертесіне тауып беру үшін”, – деді Белқожаев.
Сондай-ақ күдікті Қаржаубайдың қолында қандай пышақ болғанын айтты.
“Менің қолымда шаруашылыққа пайдаланған бәкі болды. Пышақты өзім тауып бердім. Бізді ұстаған жерде жатқан, сол жерден тауып бердім. Қаржаубай дүкеннен пышақпен шықты. Ол ас үй пышағына ұқсайды. Істе көрсетілген пышақ емес. Пышақ сол қолында болды. Ал Нұрқанаттың екінші оқты атқанын көрдім”, – деді Белқожаев.