RUS
SMARTNEWS.KZ басылымының хабарлауынша, Шымкентте бала онлайн ойын арқылы алаяққа алданып, ата-анасының 2 миллион теңгесін жоғалтты. Ақшаның жоғалғанын байқаған анасы бірден полицияға жүгінген. Бұл туралы Рolisia.kz мәлімдеді.
Шымкентте бала онлайн ойын арқылы алаяққа алданып, ата-анасының 2 миллион теңгесін жоғалтты. Ақшаның жоғалғанын байқаған анасы бірден полицияға жүгінген, деп хабарлайды Polisia.kz.
Полиция департаментінің мәліметінше, бейтаныс адам баланы Free Fire мобильді ойынының «жақсы дамыған аккаунтын» сатып алуға көндірген. Қызығушылық танытқан бала күдіктінің нұсқауымен анасының банк картасын суретке түсіріп, оның деректерін және аударым жасау үшін қажет кодты жіберген.
Алаяқ картадан 2 миллион теңгеге жуық қаржыны шешіп алған.
Жедел шаралар барысында күдікті қолға түсті. Қазір тергеу жүріп жатыр.
Полиция ата-аналарға ескерту жасап, балаларға интернеттегі қауіпсіздік ережелерін жиі түсіндіріп отыруға кеңес берді:
«Банк деректерін ешқашан бөгде адамдарға бермеңіз және балалардың да бұлай жасауына жол бермеңіз», – делінген хабарламада.