Ұлыбритания Ресейге қарсы санкцияларды күшейтуге шақырды

«Біз әрекет етуіміз керек. Путинге қысым көрсетіп, оны келіссөздерге отыруға мәжбүрлеу қажет», – деді Хили.

Оның айтуынша, қазіргі таңда әлем назары Стамбулдағы Ресей мен Украина делегациялары арасындағы жоспарланған келіссөздерге ауып отыр.

«Бұл – Путиннің бетпердесін ашатын күн. Ол бейбітшілікке ұмтылады дейді, бірақ атысты тоқтатудан бас тартты. Келіссөзге дайынмын дейді, бірақ өзі ұсынған жиынға өзі келмеді», – деді британдық министр.

Хили Путиннің соғысты «ертең-ақ тоқтата алатынын» айтып өтті.

Ал Германияның Қорғаныс министрі Борис Писториус та соғыстың кілті тікелей Путиннің қолында екенін атап өтті.

«Ол Стамбулға барып, келіссөз бастауы мүмкін еді. Атысты тоқтату туралы бұйрық бере алатын жалғыз адам – сол. Бірақ мұның бірі де орын алып жатқан жоқ», – деді Писториус.

Сондай-ақ ол:

«Путин АҚШ президентін мұрыннан жетелеп, цирктегідей ойын жүргізіп отыр деп ойлауы мүмкін. Бірақ Дональд Трампқа бұл ұнай қоймас. Бұл жағдай Вашингтонның Мәскеуге қатысты ұстанымын өзгертуге алып келуі мүмкін», – деп пікір білдірді.