RUS
SMARTNEWS.KZ басылымының хабарлауынша, халықаралық дәрежедегі спорт шебері Айбек бокстан медальға жақындады.
92 келі салмақта жұдырықтасып жүрген Айбек Оралбай Париж олимпиадасындағы алғашқы жекпе-жегінде 1/8 айналымда Нигериядан келген Олайтан Адам Олаормен кездесті. Қарсыласын аямай ұрған Айбек 3 раундтан соң 5:0 есебімен жеңіп шықты.
Айта кетсек, Айбек ауыр салмақта (92 келіге дейін) жұдырықтасатын халықаралық дәрежедегі спорт шебері. 2018 жылы әуелі жастар арасындағы Азия чемпионатының жеңімпазы атанды. Содан кейін 2018 жылдың тамызында Будапештте жастар арасындағы әлем чемпионатының финалына дейін барып, күміс жүлдені иеленді. Сол жылдың қазан айында Буэнос-Айрестегі (Аргентина) Жасөспірімдердің ІІІ жазғы Олимпиада ойындарына қатысып, жеңімпаз атанды. 2019 жылы Қазақстан Спартакиадасында да жеңіс тұғырынан көрінді. 2022 жылы қарашада Амманда алғаш рет 92 келіге дейінгі санатта Азия чемпионы атанды.