RUS
SMARTNEWS.KZ басылымының хабарлауынша, Парижде өтіп жатқан Олимпиада ойындарында қазақстандық татами шебері Данияр Шамшаев алғашқы белдесуінде ұтылып қалды.
73 келі салмақта ел намысын қорғаған Данияр Шамшаев бірінші белдесуінде өзбекстандық Муроджон Юлдошевқа есе жіберіп жарысты аяқтады.
Естеріңізге сала кетсек, кеше дзюдодан 66 келі салмақта Ғұсман Қырғызбаев қола медаль жеңіп алса, алғашқы жарыс күні Елдос Сметов чемпион атанған болатын.
Ал финалдық бәсекеде жүлделі орын үшін таласқан мерген Александра Ле алтыншы орында қалды.
Осылайша олимпиаданың үшінші жарыс күні — еліміз медальсыз қалған күн болды.
Бірақ бүгін іріктеу кезеңі үшін қатысып жатқандар да бар. Оның ішінде жүзуден Қазақстан командасының мүшесі Ксения Игнатова іріктеуден өте алмады. Сондай-ақ семсерлесуден Әйгерім Сарыбай 1/16-ден аса алмай қалса, садақшылар құрамасы келесі айналымға жете алмады.
Ал кешкі сессияда бокстан Қамшыбек Қоңқабаев (92 кг) пен Мұхамедсабыр Базарбайұлының (63 кг) 1/8 айналымдағы жекпе-жегін өткізеді.