RUS
SMARTNEWS.KZ басылымының хабарлауынша, танымал тележүргізуші Динара Сәтжан жарнамалаған массаж салонына барған әйелдің денесі көгеріп кеткен. Бұл туралы ол әлеуметтік желіде жария етті.
Әйел тележүргізуші жарнамалаған салонға скульптуралық массаж үшін барған. Аталған массаж түрі адамға спортпен шұғылданбай-ақ арықтауға көмектеседі-мыс.
Әйелге массаж жасалғаннан кейін денесі көгеріп, гематома шыққан. Айтуынша, массаждың бір сеансының өзі 175 мың теңге тұратын көрінеді.
«Бір сеансы 175 мың теңге тұратын массаждан кейін үшінші күн өткенде әйелдің денсаулығы нашарлаған. Іші өтіп, температурасы мен қан қысымы көтерілген. Мұндай массажды бірінші рет көруім. Бірақ бір сеанс үшін 175 мың теңге деген сұмдық. Салон уәде еткен нәтижесі міне, көріп тұрсыздар, қаптаған гематома», - деп жазды парақша авторы.
Аталған массаж салонын тележүргізуші Динара Сәтжан жарнамалаған. Сондықтан салонның төңірегіндегі дауда тележүргізушінің есімі жиі аталып жүр.
