RUS
SMARTNEWS.KZ басылымының хабарлауынша, алтын кенішіндегі ойыққа түсіп қаза болған төрт құтқарушының бірі, марқұм Олег Тышкевичтің туыстарының әрқайсысы жұмыс берушіден 7,5 млн теңгеден алатын болды. Апелляциялық істі қараған Павлодар облыстық сотының азаматтық істер жөніндегі сот алқасы осындай шешім шығарды.
2023 жылдың қаңтарында құтқарушылар отырған автобус алтын кенішіне бара жатқанда апатқа ұшырап, төрт құтқарушының өмірін қиған еді. Қаза тапқан құтқарушылардың туыстары сотқа моральдық зиянның өтемақысын талап етіп, Олег Тышкевичтің анасы, қызы, ұлы және әпкесіне 30 млн теңгеден, жалпы 120 млн теңге сұраған болатын. Екібастұз қалалық соты бұл талапты толық қанағаттандырған еді.
Алайда, жауапкер «Кәсіби әскерилендірілген авариялық-құтқару қызметтерінің республикалық орталық штабы» ЖШС сот шешіміне қайта қарау өтінішін жасаған.
Сол үшін Павлодар облыстық соты өтемақы мөлшерін азайтып, әр отбасы мүшесіне 7,5 млн теңгеден, жалпы 30 млн теңге төлеу туралы шешім шығарды.
Сот алқасы бұл шешімді ақылға қонымды, әділ және жеткілікті деген критерийлерге сүйеніп қабылдағанын айтты. Соттың шешімі заңды күшіне енді.