RUS
SMARTNEWS.KZ басылымының хабарлауынша, прокурорлар жүргізген тексеріс нәтижесінде Астана, Алматы, Шымкент қалаларында, Алматы және Түркістан облыстарында бала тәрбиесіне жауапты мамандар арасында жүктеме шамадан тыс көп екені анықталған. Бұл туралы прокуратураның баспасөз қызметі мәлім етті.
«Тексеру бүгінде бір қызметкерге түсетін жүктеме 17 мың балаға жететінін, ал Астана, Алматы, Шымкент қалаларында, Алматы және Түркістан облыстарында 30-дан 100 мыңға дейін жететінін көрсетті. Әлемдік стандарттарға сәйкес 1 қызметкерге жүктеме нормасы 5 мың баладан, ал ең прогрессивті елдерде 1 мыңнан аспауы керек», — делінген хабарламада.
Прокуратураның мәліметінше, саладағы қызметкерлердің мойнына шамадан тыс жүктеме ілінгендіктен, олар кәмелетке толмағандарды тәрбиелеу және бағу жағдайларын бақылап үлгермейді. Кесірінен, балаларға қатысты зорлық-зомбылық жағдайлары көбінесе кеш анықталады.
«Жыл басынан бері асырап алынған балаларды ұрып-соғу және азаптау фактілері Шымкент қаласында, Ұлытау және Ақмола облыстарында тіркелген. Мәселен, Ақмола облысында сәуір айында патронат тәрбиешінің 5 баланы ұрып-соғу фактілері анықталған. Тергеп-тексеру барысында үш жылдан астам уақыт бұрын бір баланы өлтіру фактісі анықталған. Ұлытау облысында балаларды фермада жұмыс істеуге мәжбүр еткен асырап алған ана 4 жылға бас бостандығынан айырылды», — деп хабарлады прокуратурадан.
Осы тұрғыда Бас прокуратура Бала құқықтары жөніндегі уәкілдің қорғаншылық және қамқоршылық органдары қызметкерлерінің санының нормативтік заңнамалық тұрғыдан бекітуге қатысты бастамасын қолдайды. Сонымен қатар Министрлік прокуратураның педагог-психологтардың қызметін күшейту қажеттілігіне қатысты ұсыныстарын қолдады.
Атап айтқанда, педагог-психологтардың саны бойынша норматив заңнамалық тұрғыдан қайта қаралуда, мұнда 1 маманға жүктеме 500 оқушыдан аспауы тиіс. Жалпы, Жол картасы Министрліктің басқа да бағыттары бойынша жұмыстарының тиімділігін арттырады деп күтіліп отыр.