RUS
«Геологиялық барлау жұмыстарының нәтижелері бойынша 2023-2024 жылдары мемлекеттік есепке алғаш рет мынадай кен орындары қойылды:
Қатты пайдалы қазбалар — 27, көмірсутек шикізаты — 10, жерасты сулары — 23.
Сондай-ақ пайдалы қазбалардың мынадай түрлері бойынша ресурстар мен қорлардың өсімі алынды:
Алтын - 522 тонна, күміс - 281 мың тонна, хром кендері - 2 383 мың тонна, уран - 44 мың тонна, мыс — 12 893,6 мың тонна, фосфорит кендері - 82 миллион тонна, мұнай - 277 миллион тонна, газ — 113 миллиард текше метр, конденсат — 1,9 миллион тонна, жер асты сулары — 155,8 мың текше метр», – деді Ерлан Ақбаров.
Ерлан Ақбаров атап өткендей, Қазақстанның минералды шикізат базасына қатты және кең таралған пайдалы қазбалар, көмірсутектер мен жер асты суларының кен орындары кіреді.
Жалпы алғанда, мемлекет балансында қатты пайдалы қазбалардың 987-ден астам кен орны бар, оның ішінде 355-і көмірсутегі, 987-і қатты пайдалы қазбалар, 3666-сы кең таралған пайдалы қазбалар және 4540-ы жер асты сулары.