RUS
SMARTNEWS.KZ басылымының хабарлауынша, желіде танымал психолог Құралай ханым жолдасымен бірге Үндістанға барып, некесін жаңғыртқан.
Жеке парақшасына видео жүктеп, үнділердің ұлттық киім кигендерін көрсетті.
“Шри-ланка дәстүрінде бар неке жаңғыртуды біз де жасадық. “Үнді махаббаты” болып, 25 жұп некемізді жаңғырттық. Отбасылық достарымызбен жылдағы дәстүріміз әдемі жалғасты. Өз өмірімізден кино жасаймыз деп, сөзге қалдық. Бұрыш-бұрышта тығылып, әр нәрсені бүлдіріп, арақ ішіп, неше түрліні көрсетіп жүргендер бар емес пе?! Оның қасында бала кезден көріп өскен үнді фильмдерін өз көзімізбен көріп, бөтен емес, өз байымызбен, өзіміз үшін естелік етіп контент жасап жатқан жоқпыз ба?!”, – деп жазды психолог.
Желі қолданушылары түрлі пікір білдіріп, психологтың әрекетін аяусыз сынап жатыр.
“Еліктеуді қашан қоямыз екен”, “Неке еріккеннің ермегі емес”, “Қарыны тоқтық, жұмысы жоқтық аздырар адам баласын”, “Осыған көніп отырған күйеулері мықты екен”, “Бөтен елдің дәстүрімен неке қию деген – надандық”, – деп жазды көпшілік.