«Қар, жаяу боран»: 19 ақпанға арналған ауа райы болжамы жарияланды

SMARTNEWS.KZ басылымының хабарлауынша, 19 ақпанда Қазақстанның 15 облысында ауа райына байланысты ескерту жарияланды.

Абай облысының солтүстігінде, шығысында, оңтүстігінде тұман күтіледі.

Атырау облысының оңтүстігі мен шығысында қар, жаяу боран болады.

Ақмола облысының батысы мен солтүстігінде қар, боран соғады деп болжанып отыр.

Түнде және таңертең Ақтөбе облысының солтүстігінде тұман басады.

Шығыс Қазақстан облысының солтүстігінде, шығысында, оңтүстігінде тұманды күн райы болмақ.

Жамбыл облысының солтүстігінде, оңтүстігінде және таулы аймақтарында тұман болады. Облыстың оңтүстік-батысында, солтүстік-шығысында және таулы аймақтарында солтүстік-шығыстан соққан желдің екпіні  15-20 м/с, түнде жел екпіні 25 м/с дейін жетеді.

Түнде және таңертең Жетісу облысының шығысында, орталығында, таулы аймақтарында тұман түседі. 

Батыс Қазақстан облысының солтүстігінде тұман болжанады.

Күндіз Қарағанды облысында жолдар көктайғақ болады. Облыстың батысында, солтүстігінде, шығысында кей уақыттарда тұман болжанады.

Қостанай облысының оңтүстігінде, шығысында қар жауып, боран соғады. Солтүстігінде, батысында тұман болжанады. Таңертең және күндіз облыстың оңтүстігінде, шығысында солтүстік, солтүстік-шығыс желінің екпіні 15-20 м/с дейін жетеді.

Таңертең және күндіз Қызылорда облысының шығысында көктайғақ болады. Солтүстігінде, орталығында тұман болжанады.

Маңғыстау облысының батысында, солтүстігінде, орталығында көктайғақ болады. Солтүстік-шығысында және орталығында тұман болжанады.

Түнде және таңертең Павлодар облысының оңтүстігінде, шығысында, орталығында тұман түседі.

Солтүстік Қазақстан облысының солтүстігінде, оңтүстігінде, шығысында қар жауып, боран соғады. Батысында және оңтүстігінде тұман болжанады. Оңтүстігінде, шығысында солтүстік, солтүстік-шығыста жел екпіні 15-20 м/с дейін жетеді.

Таңертең және күндіз Түркістан облысының батысында, оңтүстігінде, таулы және тау бөктеріндегі аудандарында жаңбыр жауып, тұманды күн райы болады.