«Жаңбыр, қар»: 26 ақпанға арналған ауа райы болжамы жарияланды

SMARTNEWS.KZ басылымының хабарлауынша, «Қазгидромет» РМК 26 ақпанға арналған ауа райы болжамын ұсынды.

Синоптиктер болжамынша, циклондар және олармен байланысқан фронтальді бөліктер әлі де Қазақстан Республикасы аумағының басым бөлігіне өз әсерін тигізетін болады, жауын-шашын (жаңбыр, қар) күтіледі. Тек еліміздің шығысында жауын-шашынсыз ауа райы сақталады. Республика бойынша тұман, көктайғақ, желдің күшеюі, бұрқасын күтіледі.

— Түнде Ақтөбе облысының солтүстік-шығысында, күндіз Алматы, Түркістан облыстарының оңтүстігінде, таулы аудандарында қатты жауын-шашын (жаңбыр, қар), Маңғыстау облысының оңтүстік-шығысында қатты қар күтіледі. Күндіз Алматы облысының шығысында, Жетісу облысының солтүстік-шығысында, таулы аудандарында желдің 30 м/с және одан аса күшеюі күтіледі, — делінген хабарламада.

 https://kaz.inform.kz/news/turkstanda-zhauin-mangistauda-kar-kazgidromet-bolzhami-zhariyalandi-f94b82/