RUS
SMARTNEWS.KZ басылымының хабарлауынша, әлеуметтік желіде Нұрлан имам деп танылған Ырыскелді қажы атындағы мешіттің имамы Нұрлан Байжігітұлы оқырмандарының сауалына жауап бере отырып, балаға азан шақырып ат қоюға қатысты пікір білдірді.
Әлеуметтік желіле оқырмандардың бірі Нұрлан имамнан «балаға азан шақырып ат қоймаса, не болады?» деп сұраған.
Ештеңе етпейді. Балаңызға ең алдымен дұрыс тәрбие беріңіз. Азан шақырып ат қою – діннің маңызды бөлігі. Дегенмен біздің адамдар сондай дүниелерге көбірек мән беріп, тәрбие мәселесі қалып қойып жатыр.
Мысалы, үйіміз қабат-қабат, бірақ оның ішінде өмір сүретін адамдар аз, медицина дамып жатыр дейміз, бірақ аурудың да түр-түрі шығып жатыр. Меккеге ұшақ бос бармайды, бірақ көршіге кірмейміз. Меккедегі арабтың жағдайын білеміз, бірақ көрші тұрған ағайынның жағдайын білмейміз. Байлық көп, жүректің тыныштығы жоқ. Ақыл айтқыштар көп, бірақ парасаттылыққа тәрбиелейтін ілім жоқ. Араласатын адам көп, бірақ шынайы, сырласатын дос жоқ. сағаттың түр-түрі шығып жатыр, бірақ бір-бірімізге уақытымыз жоқ. Киген киіміміз алтын, бірақ жүрегіміз тас. Көп нәрсе бар, бірақ пейіліміз тар, - деді Нұрлан имам.
Имам имандылық пен адамгершілікт қатар ұстап, ұлтқа қызмет етуге, балаға алдымен ата-ана өзі үлгі болуға шақырды.